Republica Sozialista Sobietica de Kasajstán
De Biquipedia
|
|||
| Lema: "Барлық елдердің пролетарлары, бірігіңдер!"
("Treballadors d'o mundo, uníz-tos!") |
|||
 |
|||
| Idioma | Kazajo y Ruso | ||
| Capital | Alma-Ata | ||
| Ziudá más gran | Alma-Ata | ||
| Presidén en l'inte d'a independenzia | Nursultan Nazarbayev | ||
| Tiempo en a URSS | Dende o 30 d'abiento de 1922 dica o 16 d'abiento de 1991. | ||
| Aria Total | 2,717,300 km² | ||
| Poblazión (est. 1989) | 16,711,900 | ||
| Independenzia d'a Unión Sobietica | 16 d'abiento de 1991 |
||
| Moneda | Rublo | ||
| Fuso orario | UTC +4 a +6 | ||
| Inno nazional | Inno d'a RSS de Kasajstán. | ||
A Republica Sozialista Sobietica de Kasajstán (Қазақ Советтік Социалистік Республикасы), estió a segunda republica en amplaria d'as que formoron a Unión Sobietica, en l'Asia zentral, y ye güe en diya o estato independién de Kasajstán. Teneba una superfizie de 2,717,300 quilometros cuadraus (1,063,200 millas cuadratas) y a suya capital yera Alma-Ata.
[Editar] Istoria
Establita o 26 d'agosto de 1920, inizialmén estió una republica autonoma dentro d'a RSSF de Rusia. O 5 d'abiento de 1936 se conbirtió en una republica independién d'a URSS, clamata RSS de Kasajstán. Mientres os 50 y os 60 os ziudadans sobieticos estioron clamatos á aduyar á poblar as "Tierras birchens" d'a RSS de Kasajstán. A enfluyenzia d'os inmigrans (mayoritariamén rusos, pero encluyendo bellas minorias nazionals deportadas) faborexioron á mezcla razial y premitioron que o numero de Kasajos estase inferior á los no-Kasajos. Os atros grupos etnicos encluyían ucraínos, alemans, belarrusos, coreanos, y atros; os alemans en l'inte d'a independenzia formaban alto u baxo lo 8% d'a poblazión, a más alta conzentrazión d'alemans en toda la Unión Sobietica. A independenzia fazió que muitos d'estos nuebos abitans emigrasen. O 10 d'abiento de 1991 a RSS de Kasajstán estió renombrata "Republica de Kasajstán" y seis diyas dimpués declaró a suya independenzia.
[Editar] Poblazión
A poblazión natiba son os Kazajos (4,234,000 en 1970). En 1970, a republica teneba un numero apreziable de rusos (5,522,000) y ucraínos (933,000). En as tierras deserticas d'o norte de Kasajstán, eba Tartaros (288,000), usbekos (216,000), y belarrusos (198,000).
[Editar] Se beiga tamién
- Istoria de Kasajstán
| Republicas d'a Unión Sobietica | |
 |
RSS d'Armenia | RSS d'Azerbayán | RSS de Belarrusia | RSS de Cheorchia | RSS d'Estonia | RSS de Letonia | RSS de Lituania | RSS de Moldabia | RSS de Kasajstán | RSS de Kirguisistán | RSSF de Rusia | RSS de Tadyikistán | RSS de Turkmenistán | RSS d'Ucraína | RSS d'Usbekistán
Republicas Sobieticas de curta bida: RSS Carelo-Finesa (1940-1956) | RSSF Transcaucasica (1922-1936) |
