Republica Sozialista Sobietica de Belarrusia

De Biquipedia

Беларуская Савецкая
Сацыялістычная Рэспубліка

Lema: Пралетарыі ўсіх краін, яднайцеся! ("Treballadors d'o mundo, uniz-tos!")
Idioma	Belorruso y Ruso. O Ruso faborezito por a lechislazión.
Capital	Minsk
Presidén en l'inte d'a independenzia	Stanislav Shushkevich
Tiempo en a URSS	Dende l'1 de chinero de 1919 dica o 25 d'agosto de 1991.
Aria Total	207.600 km²
Poblazión (est. 1989)	10.151.806
Independenzia d'a Unión Sobietica	25 d'agosto de 1991
Moneda	Rublo
Fuso orario	UTC +3
Inno nazional	Inno d'a RSS de Belarrusia.

A Republica Sozialista Sobietica de Belarrusia (Беларуская Савецкая Сацыялістычная Рэспубліка) estió un d'os miembros establidors d'a Unión de Republicas Sozialistas Sobieticas en 1922, chunto á la RSS de Ucraína, á la RSSF Transcaucasica y á la RSSF de Rusia. Tamién estió conoxida con o nombre de Rusia Blanca.

A capital d'a Republica yera Minsk. A RSS de Belarrusia estió creyata l'1 de chinero de 1919.

[Editar] Istoria

Parti d'o Imperio Ruso antis d'a I guerra Mundial, Belarrusia declaró a suya independenzia o 25 de marzo de 1918, formando a Republica Nazional de Belarrusia. A republica abió, de todas trazas, una curta bida, y o rechimen estió xerbigato dimpués d'a retirada alemana. En 1919 Belarrusia se conbirtió en a Republica Sozialista Sobietica de Belarrusia, y "ingreso" en a Republica Sozialista Sobietica de Belarrusia y Lituania. Dimpués d'a Guerra Poloneso-Sobietica rematata en 1921, as tierras de Belarrusia estioron dibiditas entre Polonia y a RSS de Belarrusia, que se conbirtió en un miembro establidor d'a URSS en 1922. En setiembre de 1939, a Unión Sobietica s'anesionó a Belarrusia polonesa como resultato d'o Pauto de Molotov-Ribbentrop.

Dezaga d'a II Guerra Mundial, a RSS de Belarrusia abió boz en a Asambleya Cheneral d'a ONU chunto á la Unión Sobietica y á la RSS de Ucraína, conbirtiendo-se en un d'os miembros establidors d'a ONU.

Dimpués d'o Golpe d'Estato d'Agosto, o Soviet Supremo de Belarrusia declaró a independenzia d'a URSS o 25 d'agosto de 1991. A republica cambeó o nombre por o de Republica de Belarrusia o 19 de setiembre de 1991. O 8 d'abiento de 1991 siñó, chunto á Rusia y Ucraína, os Alcuerdos de Belavezha, que remplazoron á la URSS por a Comunidá d'Estatos Independiens (CEI).

Republicas d'a Unión Sobietica
	RSS d'Armenia | RSS d'Azerbayán | RSS de Belarrusia | RSS de Cheorchia | RSS d'Estonia | RSS de Letonia | RSS de Lituania | RSS de Moldabia | RSS de Kasajstán | RSS de Kirguisistán | RSSF de Rusia | RSS de Tadyikistán | RSS de Turkmenistán | RSS d'Ucraína | RSS d'Usbekistán Republicas Sobieticas de curta bida: RSS Carelo-Finesa (1940-1956) | RSSF Transcaucasica (1922-1936)