Mar Baltico
De Biquipedia
O mar Baltico, ye un mar d'o norte d'Europa, ubierto á lo mar d'o Norte y á l'ozián Atlantico á trabies d'os estreitos de Kattegat y Skagerrak. Os paísos tienen costas en o Baltico son:
- Suezia
- Finlandia
- Rusia (rechión de San Petersburgo)
- Estonia
- Letonia
- Lituania
- Rusia (rechión de Kaliningrado)
- Polonia
- Alemaña
- Dinamarca
A suya superfizie ye de 432.800 km², y encluye dos grans dentradas: o golfo de Finlandia, entre o sur d'iste país y Estonia, y o golfo de Botnia, entre a costa oriental de Suezia y a ozidental de Finlandia. Cheolochicamén, es poco antigo: nomás esiste dende o VI milenio a.C. Ye mui poco funda (a meya ye de 57 m; a fundaria masima son 459 m á lo norte d'a isla sueca de Gotland), iste feito unito á la poca abridura á l'ozián, en fa la renobazión d'as auguas más lenta y ixo faborexe os problemas de contaminazión.
[Editar] Nombres
A mar rezibe diferens nombres pendiendo d'a luenga:
- Mar Baltico ye a forma abitual en as luengas romanicas, as eslabas (polonés, ruso, caxubio), as balticas y l'anglés.
- Mar de l'Este ye como li claman todas as luengas chermanicas eszeuto l'anglés, antimás d'o finès (que, anque ye a l'ueste ta la mayor parti d'os fablans, istos estioron baxo dominio sueco mientres muitos sieglos, y dende a prespeutiba sueca sí que ye situato a l'este).
- Mar de l'Ueste ye o nombre que li se da en Estonia.
Os distintos nombrs d'o mar en as luengas d'os paísos que a rodian son:
- Östersjön (sueco)
- Itämeri (finés)
- Балтийское море, Baltískoie More (rus)
- Läänemeri (estonio)
- Baltijas jūra (letón)
- Baltijos jūra (lituano)
- Morze Bałtyckie u Bałtyk (polonés)
- Bôłt (caxubio)
- Ostsee (alemán)
- Østersøen (danés)
[Editar] Ziudaz
As grans ziudaz d'a costa d'o Baltico, por orden de poblazión, son:
- San Petersburgo (Rusia), 4.700.000 ab.
- Estocolmo (Suezia), 743.703 ab. (aria metropolitana, 1.823.210 hab.)
- Trojmiasto u as Tres Ziudaz (Polonia) (aria metropolitana, 1.035.000 hab.), que encluye
- Gdansk (Polonia), 462.700 ab.
- Gdynia (Polonia), 255.600 ab.
- Helsinki (Finlandia), 559.716 ab. (aria metropolitana, 980.000 hab.)
- Riga (Letonia), 760.000 ab.
- Szczecin (Polonia), 413.600 ab.
- Tallinn (Estonia), 401.774 ab.
- Kaliningrado (Rusia), 400.000 ab.
- Malmö (Suezia), 259.579 ab.
- Kiel (Alemaña), 250.000 ab.
- Lübeck (Alemaña), 216.100 ab.
- Rostock (Alemaña), 212.700 ab.
- Klaipeda (Lituania), 194.400 ab.
- Turku (Finlandia) 175.000 ab.
Puertos importans (anque no sigan grans ziudaz):
- Swinoujscie (Polonia), 50.000 hab.
- Ventspils (Letonia), 44.000 hab.
- Baltisk (Rusia), 20.000 hab.
- Hanko (Finlandia), 10.000 hab.
