Londres
De Biquipedia
Londres ye a capital d'Anglaterra y o Reino Unito. Clabada a lo sur de Gran Bretaña y a cantos d'o río Tamesis, estió establida por os románs con o nome de Londinium.
Contenius |
[Editar] Orichen etimolochico
O termín prozede de Londinium, adautazión latina d'un bocable zelta que senificaba ziudá d'a luz.
[Editar] Amplaria y poblazión
En un radio de 1.579 km² y 32 destritos, Londres cuenta con 7.172.000 abitans (2001), que fan d'ista una d'as ziudaz europeyas más densamén pobladas, chunto con Moscú, Estambul y París.
En o zenso de 2001, o 71% d'os siet millons de abitans se clasificaban en a colla d'etnia blanca, o 10% en a india, bangladeshí u paquistaní, o 5% en l'africana, o 5% en a caribeña, o 3% en a de razas mistas y o 1% en a china. A mayor colla relichiosa ye a cristiana (58,2%) y no relichión declarada (15,8%). O 21,8% d'os abitans de Londres son naxius difuera d'a Unión Europeya. L' aria metropolitana de Londres tien una poblazión de 13.945.000 abitans. Mayor que todas as poblazions d'Escozia, Gales e Irlanda d'o Norte chuntas. Ye a segunda mayor aria metropolitana d'Europa, nomás superada por l'aria de Moscú, y una d'as 20 mayors en o mundo, con una bida y fluxo economico que la situan en o segundo puesto mundial, nomás por dezaga d'a ziudá de Nueba York, (USA).
[Editar] Beyer tamién
- Botinadas urbanas en l'UE
