Londen
vanuit Wikipedia, die vrye ensiklopedie.
| Londen | |
|---|---|
 |
|
| Land: |  Verenigde Koninkryk |
| Deelstaat: |  Engeland |
| Koördinate: | 51°30' N, 0°8' W |
| Oppervlakte: | 1 579 vk km |
| Bevolking: | 7 421 209 (1 Januarie 2005) |
| Bevolkingsdigtheid: | 4 700 / vk km |
| Metropolitaanse gebied: | 12 599 561 inwoners (1 Januarie 2005) |
| Hoogte: | 20 m bo seespieël |
| Burgemeester: | Ken Livingstone |
Londen (Engels: London) is die hoofstad van die Verenigde Koninkryk van Groot-Brittanje en Noord-Ierland en van Engeland. Londen, wat aan die Theemsrivier in die suidooste van Engeland geleë is, het 7 421 209 inwoners (1 Januarie 2005), waarvan sowat 2,7 miljoen in die dertien stadswyke van Inner London. Die metropolitaanse gebied het 'n bevolking van 12,6 miljoen. Die huidige administratiewe gebied met die verdeling in stadswyke het op 1 April 1965 met die stigting van Greater London ontstaan. Londen is die metropool met die vierde grootste populasie in Europa (as Istanbul ingesluit word), na Moskou, Parys, en Istanbul.
Londen is aanvanklik gestig as Londinium, die hoofstad van die Romeinse provinsie Brittanië en word later die middelpunt van die Britse Ryk.
Vandag genereer Londen 17% van die Verenigde Koninkryk se BNP - die vierde grootste ter wêreld - en is 'n groot finansiële sentrum saam met New York en Tokio. Vir eeue reeds is Londen 'n invloedryke sentrum in politiek, finansies, kunste en mode-ontwerp.
[wysig] Ekonomiese basis
Londen het sedert 1986 - die jaar waarin met die liberalisering van die Londense effektebeurs begin is - naas New York en Tokio tot een van die drie belangrikste finansiële sentrums ter wêreld ontwikkel. Meer as 500 banke het hulle hoofkwartiere in die stad, waaronder ook The Hongkong and Shanghai Banking Corporation, die grootste Europese bank. Alhoewel die Verenigde Koninkryk nie self lid is van die sogenaamde Europese Eurosone nie, hanteer Londen se banke meer transaksies in Euro as enige stad op die Europese vasteland.
