מונקאטש
פֿון װיקיפּעדיע
דאס איז א חסידות פון דערהיים אין קארפּעטרען אונגערן היינט א טייל פון אוקריינע.
 דער הייליגער בעל מנחת אלעזר |
 דער אלטער שול אין שטאט מונקאטש |
 היינטיגער רבי שליט"א |
 צענטער פון שטאט מונקאטש אין די תר"ע יארן |
[בעאַרבעטן] היסטאריע
אידן האבן זיך באזעצט אין מונקאטש אין די אנפאנג ת"ק יארן. דער ערשטער חסידישער רבי וואס זאל דינען אלס רב אין שטאט איז געווען הגה"ק רבי צבי אלימלך שפירא זי"ע בעל בני יששכר וואס איז שפעטער געווארן רב אין דינוב ושם מנ"כ.
זיין אייניקל הגה"ק רבי שלמה שפירא זי"ע בעל שם שלמה איז גערופן געווארן פון סטריזוב, גאליציע און איז אויפגענומען געווארן אלס רב.
נאכ'ן הסתלקות פונ'ם שם שלמה זי"ע איז אויפגענומען געווארן אויף זיין אמט הגה"ק רבי צבי הירש שפירא זי"ע באקאנט אלס דער דרכי תשובה.
מיט'ן הסתלקות פון דער דרכי תשובה אין יאר תרע"ד איז אויפגענומען געווארן זיין בן יחיד הגה"ק רבי חיים אלעזר שפירא זי"ע דער בעל מנחת אלעזר אלס רב און אב"ד דק"ק מונקאטש והגלילות.
אונטער זיין פירערשאפט האט זיך מונקאטש אנטוויקלט צו ווערן די צענטער פון תורה און חסידות אין קארפאטן אונגארן. 60 פערצענט פון די שטאט'ס איינוואוינער זענען געווען אידן, אן ערך פון 16,000 אידן. דער מנחת אלעזר זי"ע האט באוויזן אויפצושטעלן חדרים און אדי בארימטער ישיבה רבתי "דרכי תשובה" ווי עס האבן געלערנט הונדערטער בחורים וואס זענען געקומען צו פארן קיין מונקאטש פון איבער גאנץ אייראפע. אין די פינסטערע מלחמה יארן זענען צענדליגער טויזענטער אידן פון מונקאטש און די גאנצער געגענט איינגעשפארט געווארן אין צוויי געטא'ס אין מונקאטש ווי זיי זענען געעוען ביז די נאצי'ס ימ"ש האבן ליקווידירט די געטא'ס אינ'ם טאג ב' סיון תש"א און זיי געפירט קיין אוישוויץ הי"ד.
ווידיאו קליפ פון די מונקאטשער חתונה, ווי דער הייליגער מנחת אלעזר שרייט "אמעריקאנער אידן האלטס שבת".
[בעאַרבעטן] ווידעראויפבלוה פון מונקאטש'ער הויף
נאך די גרויזאמע מלחמה, איז מונקאטשער חסידות איבערגעפלאנצט געווארן אויף די אמעריקאנער באדן דורכ'ן אייניקל פונ'ם מנחת אלעזר, כ"ק אדמו"ר רבי משה לייב ראבינאוויטש שליט"א וואס האט אויפגעשטעלט מוסדות התורה לשם ולתפארת אין אמעריקע ווי אויך אין ארץ ישראל, קאנאדע און אייראפע. די צענטער פון מונקאַטש'ער חסידות געפינט זיך היינט צוטאגס אין בארא פארק, ברוקלין.
זיין ברודער הרה"צ רבי יעקב יצחק ראבינאוויטש דינט אלס דינובער רבי אין פלעטבוש וואס איז באקאנט אלס גרויסער בעל חסד.
וועבסייט פון אלע מונקאטשער ספרים
[בעאַרבעטן] דערויסענדע לינקס
- היסטארישע ווידיאו קליפ'ס פון דאס לעבן אין מונקאטש. [1]
