Scweron
Èn årtike di Wikipedia.
Li scweron, k' on lome co bén oidje d' ivier, c' est ene sôre di oidje a shijh rindjeyes di sminces (li påte est ronde). Asteure, a pårti des anêyes 2000, gn a des oidjes d' ivier a deus rindjeyes di sminces, et ki tnèt l' côp al djalêye.
On eploye li scweron copurade po dner a magnî åzès biesses, soeye-t i dizo l' cogne di grinnes, soeye-t i come farene (maxhî avoi ds ôtes alimints, come complemint), soeye-t i come fôraedje (adon li plante est fåtcheye divant k' les grinnes ni soeyexhe totafwait maweures).
On pout eto eployî les grinnes come ingredyint dins les brassenes, copurade po les bires a hôt fermintaedje; mins c' est moens eployî kel oidje di printins.
Li scweron aveut stî metou pa Carl von Linné come ene espece a pårt, dizo l' no e sincieus latén di Hordeum hexastichon, mins enute on l' considere come ene dizo espece del comone oidje (Hordeum vulgare).
Li scweron esteut, dins l' Antikité, li sôre di oidje li pus cultivêye; on nd a rtrové des påtes dins les tombales des farawons d' Edjipe.
