Jules Feller
Èn årtike di Wikipedia.
Jules Feller (1859-1940) ricwereu sol walon, professeur d' umanitès a Vervî di s' mestî.
Jules Feller fourit onk des prumî a bén vey kel walon, ci n' est nén fok li lidjwès.
Il adjinçna, diviè 1900, li sistinme di scrijhaedje ki poite si no (sistinme Feller), on maxhaedje di rîles fonetikes et di scrijhas analodjikes do francès, mins avou bråmint d' aloyance divintrinne (årvier di sacwants ôtes sistinmes di dvant). I serè-st eplaidî sol tite di Essai d' orthographe wallonne e Tome 41, prumî live do B.S.L.L.W. (1901), pu diswalpé dizo l' tite Règles d' orthographe wallonne e tome 41 deujhinme live (1902). I serè co on côp replaidî e moes d' awousse 1905
Li sistinme Feller va fini pa esse accepté pa tos les scrijheus do Payis Walon, di cåze del reclame fwaite pal S.L.L.W..
Il aveut cmincî, avou Jean Haust, li Dictionnaire général de la langue wallonne.
I rashonna ses ptits scrijhaedjes dins on live Notes de philologie wallonne, eplaidî e 1912.
Jules Feller fourit li mambor da Martin Lejeune, et-z eplaidî ses ouves en on spès live e 1923. Dins l' biyografeye do scrijheu, on pout lére ene pårteye di ses idêyes so l' avançmint des belès letes e walon, a pårti d' l' ovraedje des diccionairîs.
