Belfontinne-dilé-Bive
Èn årtike di Wikipedia.
Belfontinne-dilé-Bive (fr: Bellefontaine, so plaece: Bèlfontin.ne) c' est èn ancyinne comene del Walonreye, k' aveut ddja stî rebanêye avou l' Moncea li 26 di djulete 1964, divant les grands rebanaedjes di 1977.
- Limero del posse: 5555 (vî limero 6862, avou Moncea-e-l'-Årdene)
- limero diyalectolodjike: D 123
- Eplaeçmint sol Daegn: 49°55'N - 4°58'E
Pitite comene askepieye på Redjime francès, ki n' aveut co k' 25 måjhons e 1829.
[candjî] Istwere
Belfontinne est conoxhowe dins tote li redjon pol cwålité di l' aiwe do sourdant Sint Furzi (Saint Fursy). C' est l' patron d' l' eglijhe. Il a s' sourd padzo l' viyaedje dins ene sitroete valêye ki les aiwes vont al Simwès. Li ledjinde vout ki ci sereut Sint Furzi, ki voyaedjive dins l' Gåle diviè 650, k' åreut fwait soude l' aiwe del fontinne, dilé l' molén. Kékès måjhones ont stî basteyes dilé l' sourdant; mins, pus tård, li viyaedje a rmonté so les dzeus et c' est Godfroid d' Bouyon k' åreut decidé d' î fé ene eglijhe (1090).
Belfontinne apårtineut e 1290 a Gille di Bôhan; å 17inme sieke, les tchesturlins estént des Maillet, k' onk a stî assaziné. Si veve, Catrene Tamison a dné s' no a on pré k' est dzo l' viyaedje et k' on conoxhe come "Pré Tamijhon". Par après, les signeurs estént del famile des "de Vaux". Dins l' tchapistrê d' l' eglijhe di Belfontinne, on pout co vey enute li pire tombale du Tchåle de Vaux et d' si feme Marie-Christine di Maucour (1778)
Sol waibe del comene di Bive on voet-st ene foto do monumint k' est dzeu l' sourdant.
C' est eto a Belfontinne ki les francès evacouwént leus blessîs del batreye di Bive (li 23 d' awousse 1914).
