Bôhan
Èn årtike di Wikipedia.
Bôhan (fr: Bohan) est èn ancyin ptit ban del Walonreye, e payis tchampnwès, rebané avou Vresse.
C' est eto on hamtea di Barvea
- Dimorants: Bohinots, Bohinotes.
- Limero del posse: 5550 (vî limero 6868)
- Limero diyalectolodjike: D 133
- Eplaecmint sol Daegn: 49°52' N - 4°53' E
- Arondixhmint: Dinant
- Sipotaedje: Boynots, boynotes.
- Vîs scrîjhas: Bohan, (1190); Bohain, (1204); Bohaing,(1205); Bouhang,(1226); Beauhaing, (1323); Boheang,(1326).
- Eglijhe: Datêye di 1760, dipindant di Méziéres et Reims, come tos les viyaedjes a hintche di Smwès
- Patron: Sint Ledjî.
- Dicåces: li ptite, å 15 d' awousse; li grande, li dimegne d' après l' 2 d' octôbe.
- Lingaedje do payis: tchampnwès
Li fråze tipike "dèfroume nô fernête" (clôs l' finiesse) mostere li grosse diferince di cåzaedje avou l' Nonne-walon del Simwès: "clôs la vite".
Ådvins |
[candjî] Nos d' plaeces
[candjî] Hamteas
- li Bwès Djan
- Herissårt
- La Soce
- Les Dolimarts (cinte di vacances)
[candjî] Istwere
Bôhan esteut l' principåle signorreye del Måjhon d' Orcîmont; ele aveut stî dnêye å cadet del Måjhon, tot e rsiervant po Orcîmont, li hôte djustice.
Hinri d' Bôhan, tcheslî do Tchestea-Rnåd mora l' 10 di djulete 1326. Dins l' eglijhe, on voet co s' pire tombale avou kékes letes ki dmorèt:
- LIERS.SIRES.DE.BOHEANG.KVI.DIEX.ASSOLVE.KI.TRESPASSAT.EL.LAN.DE.GRASCE.MIL.CCC.ET XXVI.X.IORS O.MOIS.DI.JULIET. PROYES.POVR SARME.
Pus tård, Bôhan a stî dzo l' imprijhe do Signeur d' Olimart, on bandit k' a spolyî les djins d' Bôhan, djusk' a on djudjmint al fén rindou a Lussimbork.
[candjî] Economeye
Payis d' toubak, avou on miyon et dmey di pîs, abandné après l' deujhinme guere daegnrece.
Djusk' al guere di 1914, i gn ourit ene foite activité di clåwtîs al mwin, ki travayént a façon dins leu boutike. Leu foice motrice a stî bén lontins on tchén dins on tabeur.
[candjî] A vey
Viyaedje di frontire, foirt touristike, putoit izolé dins les meyandes di Smwès, avou on cazer tchampnwès pårticulî.
Divant 1940, Bôhan a portant stî rloyî å tram di Vresse-Djedene pa deus ponts et on tunel po passer l' cresse eter Mambe et Bôhan.
