Michel Pollentier
From Wikipedia
Michel Pollentier (Diksmude, 13 februoari 1951) was ne Belgiese coureur. Je was surtoet gekend duurdat'n nogol oekig reed en schêef ip z'n vélo zat. Ze groste zeges woarn de Roende van Itoalje, de Roende van Vloandern en twee kêern 't Belgies kampioenschap. J'is echter ôok beruchte gewordn voe ze "père", toen dat'n dopingfraude wilde pleegn.
[bewerk'n] De père
In 1978 a Pollentierke 't geel gepakt ip Alpe d'Huez in de Roende van Vrankrik. Je moest achter ze winste wel noa de dopiengcontrole. Oender zen oksel ad'n e poemptje (in de vorme van e père) verdook'n mè doarin "zuvere" urine. Moa z'an em betrapt en z'en em uut de koers gesmeetn.
[bewerk'n] Loater
Achter da't'n was uutgeschid met koersn, is 't'n em gôon bezigou'n met joenge coureurs. J'is azo voorzitter gewordn van zne wielerploeg, de "Lombarden", voe beloft'n en voe elite zoender contract. J'is ton ôok e bandencentroale begun in Nieuwpôorte.
[bewerk'n] Êrelieste
- Roende van Vrankrik: 7de 1974 en 1976
- etappe(1974, 1975, 1976)
- Roende van Itoalje (1ste 1977)
- etappe (1977)
- Roende va Spanje (2de 1982, 3de 1979, 6de 1977)
- etappe (1977, 1984)
- Kampioen van Belgje (1977, 1978)
- Roende van Vloandern (1980)
- Roende van Zwitserland (1ste 1977)
- etappes (3x 1976, 4x 1977, 2x 1978)
- puntenklassement (1977)
- Roende van Belgje (1978)
- Dauphiné Libéré (1ste 1978)
- Brabantse Piele (1980)
- Belgisch Sportman van 't joar (1977).
