ام کلثوم بنت عقبہ
وکیپیڈیا سے
صحابیہ ۔ آپ کا باپ عقبہ بن ابی معیط قبیلہ امیہ کا ایک ممتاز شخص تھا۔ اسے اسلام سے سخت عداوت تھی ۔ 7ھ میں صلح حدیبیہ کے بعد حضرت ام کلثوم نے مدینہ کی طرف ہجرت کی اور خزاعہ نامی ایک شخص کے ہمراہ مکہ سے پاپیادہ روانہ ہوئیں۔ مدینہ پہنچیں تو دوسرے روز ان کے بھائی بھی پہنچ گئے اور انھوں نے ام کلثوم کی واپسی کا مطالبہ کیا۔ صلح نامہ کی شرائط میں بھی مرقوم تھا کہ قریش کا کوئی آدمی مدینے آیا تو واپس کردیا جائے ۔ مگر اسی وقت یہ آیت اتری:
(مسلمانو! جب تمہارے پاس مسلمان عورتیں ہجرت کرکے آئیں تو ان کو جانچ لو۔ خدا ان کے ایمان کو اچھی طرح جانتا ہے۔ اب اگر تم کو معلوم ہو کہ وہ مسلمان ہیں تو ان کو کافروں کے ہاں واپس مت بھیجو۔)
اس حکم کے بعد رسول خدا نے حضرت ام کلثوم کو واپس کرنےسے انکار کردیا ۔ اور ان کا نکاح حضرت زید بن حارث سے کردیا۔ جب زید نے غزوہ موتہ میں شہادت پائی تو زبیر بن العوام کے نکاح میں آئیں۔ انھوں نے طلاق دے دی تو حضرت عبدالرحمن بن عوف سے نکاح کرلیا۔ ان کی وفات کے بعد حضرت عمرو بن العاص سے نکاح پڑیاھا اور یہ ان کا آخری نکاح تھا۔ آپ عہد فاروقی تک زندہ رہیں۔ حضرت زید اور حضرت عمربن العاص سے کوئی اولاد نہیں ہوئی۔ حضرت زبیر سے زینب اور حضرت عبدالرحمن بن عوف سے ابراہیم ، حمید ، محمد اور اسماعیل پیدا ہوئے۔
