Vèniri di Willendorf
From Wikipedia
La Vèniri di Willendorf, canusciuta puru comu la Fimmina di Willendorf, è na statuedda di 11.1 cm d'autizza di na fiura fimminili, scuperta ntôn situ paleolitticu abbicinu a Willendorf, Austria, ntô 1908 d'archeoluggista Josef Szombathy. È sculputa di petra di caucina chi nun s'attrova addabbanna, e è culurata câ terra russa.
Circa lu 1990, studiannu arreri l'anàlisi di stu situ, vinni stimatu ca era sculputa tra 22.000 e 24.000 anni di prima. Dî soi urìggini nun si sapi quasi nenti, nè comu vinni criata, nè la significanza culturali.
La Vèniri nun vinni fiurata comu na rapprisintazzioni pricisa ma chiutostu na idializzazzioni dâ forma fimminili. Li sò vulva, minni, e panzata grossa sunnu esaggirati, suggirennu na rifirenna â firtilitati. Li soi vrazzini sunnu ncruciati suprê soi minni e nun havi nudda facci visìbbili. La sò testa è cummigghiata cu quarcchiccosa chi assummigghia a trizzi di curaddu.
La sò nciuria, chi si fa paragunari sta fiura grossa â mmaggini clàssica di «Vèniri», nun veni accittata facili di tanti analisti muderni. Facirmenti si tratta di na discrizzioni sìmprici chi pò accuntintari li nostri ipòtisi basi dâ vita di l'omu primitivu. Ma pi l'autra manu, li stòrici cchiù abbirsati ritèninu na difficurtà âccittari sti tipi di spiegazzioni sìmprici. Autri prupòninu ca la sò grassizza putissi rapprisintari lu sò liveddu autu ntâ sò sucitati di cacciaturi-cugghituri, e sparti dâ sò firtilitati ovvia, putissi èssiri puru nu sìmmulu di sicuranza e successu.
Li pedi dâ statua nun sunnu tali ca pò arristari additta sula. Pi stu fattu veni prupunutu ca signìfica ca era sculputa câ ntinzioni d'èssiri tinuta, mmeci d'èssiri taliata comu n'oggettu d'arti. Quarchi archeoluggista cci pènzannu comu nu ciarmu chiutostu di na cona di na dia. Autri hannu avanzatu l'idia ca forsi la statua vinni disignata p'èssiri misa dintrâ vaggina, forsi comu nu ciarmu di firtilitati.
La Vèniri di Willendorf fa parti dâ cugghiuta dû Naturhistorisches Museum a Vienna.
Nzinu dâ scuperta di sta statua, autri statueddi sìmili si cci hannu attruvatu. Vennu tutti quanti canusciuti giniralmenti comu fiurini di Vèniri.
[cancia] Liami esterni
| Scultura |  |
| Scultura cèlibbri (artisti) · Sculturi cèlibbri (òpiri) · Scultura siciliani · Musei dû munnu | |
| Scultura · Scultura (artisti) · Sculturi (òpiri) · Muvimenti artìstici · Tècnichi di scultura |
