Paul-Louis Grenier
Un article de Wikipèdia, l'enciclopèdia liura.
Pau-Lois Granier (1879-1954) es un poeta lemosin (de Creusa) qu'a escrich 93 poemas remarcables, recampats dins los recuelhs La chançon de Combralha (1927), La Dama a l'Unicorn (1933), Imatges (1939), Vielh Lemotges (1940) e Paisatges (1948). L'ensemble fuguet estampat per las Edicions dau Chamin de Sent Jaume (Meuzac) en 2001. Escrivet dins un lemosin força literari, trabalhat, ornat daus cops de viradas miegjornalas, sus daus temis fantastics, mitologics, sus la miraudiosa natura lemosina mai sus la capitala regionala, vila d'istoria e d'identitat. Granier fuguet tamben longtemps lo conservator de la biblioteca d'a Limotges.
