Mongolie
From Wikipedia
|
Ch't' articl'ye fut c'menchie en Jèrriais
 |
|
|||
 |
|||
| Langue officielle | Mongolien | ||
| Capitale | Oulânbâtar | ||
| Chef d'êtat | Nambaryn Enkhbayar | ||
| Preunmié Minnistre | Miyeegombo Enkhbold | ||
| Monnaie | Tugrug | ||
| Zone dé l'heuthe | +7 (DST +8) | ||
| Antienne | Bügd Nairamdakh Mongol | ||
| Fête nâtionnale | 26 d'Novembre | ||
| Întèrnet TLD | .mn | ||
| Code à phôner | +976 | ||
La Mongolie est un pays en Âsie, jouaingnant par lé Nord, la Russie et par lé Sud, la Chinne.
[amendaer] Histouaithe
Au 12e siècl'ye, un captaine dé dgèrre littait pouor rêunni les tribus en Mongolie contre les Chinnouais. En 1206 i' fut couronné souos l'titre dé Dgînguiz Khan. I' fondit l'empithe des Mongoles tchi contchéthit eune mâsse dé tèrrain en Âsie et jusqu'en Ûrope. Mais quand l'empithe fut quartellée la Mongolie du Nord fut attatchie par les Chinnouais. Au 17e siècl'ye les Chinnouais contchéthîtent la Mongolie - la Mongolie dé D'dans en 1636 et la Mongolie dé D'houors en 1691. À la siette d'la tchête d'la dŷnnastie Chinnouaise, les Mongoles dêcliathîtent l'îndépendance, mais sèl'ment la Mongolie dé D'houors rêussit. Les Chinnouais r'attatchîtent à la siette d'la Révolution Russe, mais des soudards Russes aîdgîtent l'armée Mongolienne. Eune régînme souôt'nue par les Commeunistes fut înstallée en Mongolie et en 1924 la Républyique Mongolienne du Peupl'ye fut fondée - un êtat tchi 'tait raique un êtat-satellite d'l'Unnion Soviétique avaû l's années.
En 1990 les Commeunistes èrnonchîtent lus monnopole du pouver, et en 1992 eune nouvelle constitution rempliaîchit la Républyique du Peupl'ye par eune démocratie parlémentaithe.
[amendaer] Géographie
Eune grande partie du tèrrain est des landes sus tchi les nomades (un tchièrs d'la populâtion) èrmuent. Dans l'Sud, y'a lé d'sèrt Gobi et dans l'Nord, des montangnes.
