Brigader
Frå Wikipedia – det frie oppslagsverket
Brigader er ein militær grad som rangerer over oberst og under generalmajor, som alternativ til brigadegeneral.
Han blir som regel nytta av arméar, flyvåpen og marineinfanteri, blant anna i Noreg, Storbritannia, Australia og New Zealand. Graden svarer til flaggkommandør i Sjøforsvaret.
Brigader blir rekna som den øvste feltoffisersgraden og er derfor snarare ei høgare form for oberst enn ei lågare form for general, på same måten som kommandør (engelsk: commodore; i Noreg flaggkommandør) er i marinane. Graden har blitt tilkjent NATO-status som likeverdig med brigadegeneral, som er ein generaloffisersgrad.
Graden blei innført i Noreg i 1997 som erstatning for oberst I for å standardisere med resten av NATO.
|
Grad under: |
Hæren og Luftforsvaret |
Grad over: |
|
Grad under: |
Sjøforsvaret |
Grad over: |
