Wiesmoor
From Wikipedia
Wiesmoor is en Stadt in Landkreis Auerk in Oostfreesland. Se hett ruch weg 13.000 Inwahners.
Wiesmoor is bekannt för sien Blütenfest un för sien Blömenhall, worin ok de eenzige Waterörgel van Oostfreesland steiht.
Inholtsverteken |
[Ännern] Historie
1906 warrt de Noordgeorgsfehnkanal boot un een Johr later siedelt de eersten Lüüd in’t Wiesmoor, dat vördem en richtig Moor weer. 1909 maakt en Törfkraftwark vun 13 Megawatt apen. 1923 warrt Wiesmoor offiziell ene Gemeen. 1951 warrt disse Gemeen vergröttert un de Gemenen Mullbarg, Auerker Wiesmoor II, Willemsfehn I und II un Freedborger Wiesmoor Noord kummt to Wiesmoor. Dorbi kaamt ok en Deel, de vörher to’n Landkreis Wittmund hören dee, mit an den Landkreis Auerk. Vun 1964 an warrt in’t Wiesmoor keen Törf mehr afboot un 1966 maakt dat Törfkraftwark dicht. De Noordwestdüütsche Kraftwarken AG boot nu en Gaskraftwark mit 25 Megawatt. 1972 warrt de Gemeen noch wedder grötter as de Gemenen Marcardsmoor, Wiesederfehn, Voßbarg un Twüschenbargen an Wiesmoor kaamt. 1977 warrt de Gemeen Luftkuroort. 1995 maakt denn ok dat Gaskraftwark dicht. Den 16. März 2006 kriegt Wiesmoor dat Stadtrecht.
[Ännern] Politik
[Ännern] Stadtraat
| Johr | CDU | SPD | FDP |
|---|---|---|---|
| 2001 | 11 | 19 | - |
| 2006 | 10 | 18 | 2 |
[Ännern] Wapen
Dat Wapen van Wiesmoor wiest enen Barkhahn op gollen Grund un baven en gollen Blitz op swarten Grund. De Hahn steiht för dat Wiesmoor, wo veel vun de Vagels leven. De Blitz steiht för dat Kraftwark, dat lang in Wiesmoor stünn.
