ബങ്കിം ചന്ദ്ര ചാറ്റര്‍ജി
വിക്കിപീഡിയ, ഒരു സ്വതന്ത്ര വിജ്ഞാനകോശം.
1838 ജൂണ്‍ 27നു കൊല്‍ക്കത്തയിലെ കംടാല്‍പാടയിലാണ്‌ ബങ്കിം ചന്ദ്ര ചാറ്റര്‍ജി ബംഗള(বঙ্কিম চন্দ্র চট্টোপাধ্যায়)) ജനിച്ചത്‌. ഉപനയനം കഴിഞ്ഞ്‌ അഞ്ചാം വയസ്സില്‍ അക്ഷരാഭ്യാസം തുടങ്ങിയ അദ്ദേഹം മൂന്നുഭാഷകള്‍ കീഴടക്കിയ പ്രതിഭാധനനായിരുന്നു. ഭാരത ചരിത്രത്തിലെ ആദ്യ ബി.എ ബാച്ചിലുള്‍പ്പെട്ട്‌ ബിരുദം നേടിയ അദ്ദേഹത്തിന്‌ ഡപ്യൂട്ടികളക്ടര്‍ ജോലി നേടാന്‍ കഴിഞ്ഞു.ജോലിയില്‍ കൃത്യതയും,ആത്മാര്‍ഥതയും പുലറ്‍ത്തിയിരുന്ന അദ്ദേഹം മുഖം നോക്കാതെ ഔദ്യോഗിക കൃത്യനിര്‍വഹണം ചെയ്തിരുന്നു. പാശ്ചാത്യചിന്തയുടെ മായികലോകത്തില്‍ അന്ധാളിച്ചു നിന്ന ബംഗാളി ഭാഷയേയും, ബംഗാളികളേയും പാരമ്പര്യത്തിന്റെ തനിമയിലേക്കു തിരിച്ചുകൊണ്ടുവരാനായി അദ്ദേഹം 'ബംഗദര്‍‍ശന്‍' എന്ന ബംഗാളി പത്രം ആരംഭിച്ചു.രബീന്ദ്രനാഥ ടാഗോറിനെ പോലെയുള്ള മഹാരഥന്‍മാരുടെ സാനിദ്ധ്യംകൊണ്ട്‌ 'ബംഗദര്‍‍ശന്‍' വളരെ പെട്ടന്നു തന്നെ ജനപ്രീതി നേടിയെടുത്തു. ഭാരതത്തിന്റെ സ്വാതന്ത്ര്യ സമരത്തിന്റെ ഊര്‍ജ്ജ ശ്രോതസ്സും, പില്‍ക്കാലത്ത്‌ ഭാരതത്തിന്റെ ദേശീയഗീതവുമായിമാറിയ വന്ദേമാതരം ഈ മഹാന്റെ ഉല്‍കൃഷ്ടമായ രചനാവൈഭവത്തെ വെളിവാക്കുന്നു. മഹാത്മാ ഗാന്ധി,വീര സവര്‍ക്കര്‍,സുഭാഷ്‌ ചന്ദ്രബോസ് തുടങ്ങിയ ധീരദേശാഭിമാനികള്‍ക്കെല്ലാം ഒരേപോലെ സ്വീകാര്യവും, ഹൃദയാഭിലാഷത്തിന്റെ ബഹിര്‍സ്ഫുരണവുമായി മാറിയ വന്ദേമാതരം ഇപ്പൊഴത്തെ തലമുറയ്ക്കും സ്വീകാര്യം തന്നെ. മാതൃരാജ്യത്തെ അളവറ്റു സ്നേഹിച്ച, വന്ദേമാതരത്തിലൂടെ സൂര്യനസ്തമിക്കാത്ത സാമ്രാജ്യത്തിനെതിരായ സമരത്തെ പ്രചണ്ഡവും, പ്രബുദ്ധവുമാക്കിതീര്‍ത്ത ആ ധീരദേശാഭിമാനി 1894 ല്‍ അന്തരിച്ചു
[തിരുത്തുക] പുറത്തുനിന്നും
ബങ്കിം ചന്ദയുടെ കൃതികള്‍ - പ്രോജക്റ്റ്‌ ഗുട്ടന്‍ബര്‍ഗ്ഗ്‌
Categories: സാഹിത്യം | ഇന്ത്യ | ഉള്ളടക്കം | ജീവചരിത്രം
