ചുണ്ടന്‍ വളളം
വിക്കിപീഡിയ, ഒരു സ്വതന്ത്ര വിജ്ഞാനകോശം.
കേരളത്തിന്റെ പ്രധാന സാംസ്കാരിക ചിഹ്നങ്ങളിലൊന്നാണ് ചുണ്ടന്‍ വള്ളം. (ഇംഗ്ലീഷ്:snake boat). വള്ളംകളിക്ക് ഉപയോഗിക്കുന്ന പ്രധാന വള്ളമാണ് ചുണ്ടന്‍ വള്ളം.
ഉള്ളടക്കം |
[തിരുത്തുക] വാസ്തുവിദ്യ
തടികൊണ്ടുള്ള വള്ളങ്ങള്‍ നിര്‍മ്മിക്കുന്നതിനുള്ള ആധികാരിക പുരാണ ഗ്രന്ഥമായ സ്തപ് ആത്യ വേദത്തില്‍ പറഞ്ഞിരിക്കുന്നത് അനുസരിച്ചാണ് ചുണ്ടന്‍ വള്ളങ്ങള്‍ നിര്‍മ്മിച്ചിരിക്കുന്നത്. ചുണ്ടന്‍ വള്ളങ്ങള്‍ക്ക് 100 മുതല്‍ 158 അടിവരെ നീളം കാണും. വള്ളത്തിന്റെ പിന്‍ഭാഗം ജലനിരപ്പില്‍ നിന്ന് 20 അടി ഉയരത്തിലായിരിക്കും. മുന്‍ഭാഗം നീളത്തില്‍ കൂര്‍ത്ത് ഇരിക്കുന്നു. ചുണ്ടന്‍ വള്ളത്തിന്റെ രൂപം പത്തിവിടര്‍ത്തിയ ഒരു പാമ്പിനെ അനുസ്മരിപ്പിക്കുന്നു. വള്ളത്തിന്റെ പള്ള നിര്‍മ്മിക്കുന്നത് 83 അടി നീളവും 6 ഇഞ്ച് വീതിയുമുള്ള തടിക്കഷണങ്ങള്‍ കൊണ്ടാണ്.
[തിരുത്തുക] അലങ്കാരം
ചുണ്ടന്‍ വള്ളം സ്വര്‍ണ്ണ നാടകള്‍ കൊണ്ട് അലങ്കരിച്ചിരിക്കുന്നു. ഒന്നോ രണ്ടോ മുത്തുക്കുടകളും ഒരു കൊടിയും ചുണ്ടന്‍ വള്ളത്തില്‍ കാണും.
[തിരുത്തുക] വള്ളത്തിന്റെ പരിപാലനം
പരമ്പരാഗതമായി ഓരോ വള്ളവും ഓരോ ഗ്രാമത്തിന്റേതാണ്. ഗ്രാമീണര്‍ ഒരു ദേവതയെ പോലെ വള്ളത്തെ പരിപാവനമായി കരുതുന്നു. നഗ്നപാദരായ പുരുഷന്മാര്‍ക്കു മാത്രമേ വള്ളത്തില്‍ തൊടാവൂ. വെള്ളത്തില്‍ തെന്നി നീങ്ങുന്നതിനായി വള്ളം മത്സ്യ എണ്ണ, കൊപ്ര, കരി, മുട്ടക്കരു എന്നിവയുടെ ഒരു മിശ്രിതം പുരട്ടി മിനുക്കിയെടുക്കുന്നു. ഗ്രാമത്തിലെ ആശാരിയാണ് വള്ളത്തിന്റെ കേടുപാടുകള്‍ തീര്‍ക്കുക.
[തിരുത്തുക] ഉപയോഗവും ആളുകളെ ഉള്‍ക്കൊള്ളുവാനുള്ള ശേഷിയും
പരമ്പരാഗതമായി ഒരു നമ്പൂതിരിയാണ് ചുണ്ടന്‍ വള്ളത്തിന്റെ അമരക്കാരന്‍. അമരക്കാരന്റെ കീഴില്‍ നാല് പ്രധാന തുഴക്കാര്‍ കാണും. ഇവര്‍ നാലു വേദങ്ങളെ പ്രതിനിധാനം ചെയ്യുന്നു. 12 അടി നീളമുള്ള തുഴക്കോല്‍ കൊണ്ട് ഇവരാണ് വള്ളത്തിന്റെ ഗതി നിയന്ത്രിക്കുക. ഇവര്‍ക്കു പിന്നിലായി ഒരു വരിയില്‍ രണ്ടുപേര് എന്നവണ്ണം 64 തുഴക്കാര്‍ ഇരിക്കുന്നു. 64 കലകളെയാണ് ഇവര്‍ പ്രതിനിധാനം ചെയ്യുന്നത്. ചിലപ്പോള്‍ 128 തുഴക്കാര്‍ കാണും. അവര്‍ വഞ്ചിപ്പാട്ടിനൊത്ത് താളത്തില്‍ തുഴയുന്നു. സാധാരണയായി 25 പാട്ടുകാര്‍ കാണും. വള്ളത്തിന്റെ നടുവില്‍ 8 പേര്‍ക്ക് നില്‍ക്കുവാനുള്ള സ്ഥലമുണ്ട്. എട്ടു ദിക്കുകളുടെയും രക്ഷകരായ അഷ്ടദിക്‍പാലകരെയാണ് ഇവര്‍ പ്രതിനിധാനം ചെയ്യുന്നത്.
[തിരുത്തുക] ഇതും കാണുക
[തിരുത്തുക] പുറത്തുനിന്നുള്ള കണ്ണികള്‍
- ചുണ്ടന്‍ വള്ളം വള്ളത്തിന്റെ എല്ലാ ഭാഗങ്ങളുടെയും പേര് ചേര്‍ത്തിരിക്കുന്നു.
 |
കേരളവുമായി ബന്ധപ്പെട്ട ഈ ലേഖനം അപൂര്‍ണ്ണമാണ്‌. ഇതു പൂര്‍ത്തിയാക്കാന്‍ സഹായിക്കുക. |
