എസ്.കെ. പൊറ്റെക്കാട്ട്
വിക്കിപീഡിയ, ഒരു സ്വതന്ത്ര വിജ്ഞാനകോശം.
എസ്.കെ.പൊറ്റെക്കാട്ട് എന്ന ശങ്കരന്‍കുട്ടി കുഞ്ഞിരാമന്‍ പൊറ്റെക്കാട്ട് 1913 മാര്‍ച്ച്‌ 14 -നു കോഴിക്കോട്ട്‌ ജനിച്ചു. യാത്രാവിവരണ ഗ്രന്ഥകാരന്‍, നോവലിസ്റ്റ്‌, കഥാകൃത്ത്‌ എന്നീ നിലകളില്‍ പ്രശസ്തനായി. യൂറോപ്പ്‌, ആഫ്രിക്ക, അമേരിക്ക, ദക്ഷിണേഷ്യ, പൂര്‍വേഷ്യ എന്നിവിടങ്ങളിലെ മിക്ക രാജ്യങ്ങളും പല തവണ സന്ദര്‍ശിക്കുകയും ഓരോ സ്ഥലത്തെയും സാമാന്യ മനുഷ്യരുമായി ഇടപഴകുകയും ചെയ്തു. മലയാളത്തിനു ഏറെക്കുറെ നവീനമായ യാത്രാവിവരണ സാഹിത്യശാഖയ്ക്ക്‌ എസ്.കെയുടെ സംഭാവനകള്‍ വിലപ്പെട്ടതാണ്‌.
ഒരു തെരുവിന്റെ കഥയ്ക്ക്‌ കേരള സാഹിത്യ അക്കാദമി അവാര്‍ഡ്‌ (1962), ഒരു ദേശത്തിന്റെ കഥയ്ക്ക്‌ കേന്ദ്ര സാഹിത്യ അക്കാദമി അവാര്‍ഡും (1973) ജ്ഞാനപീഠ പുരസ്കാരവും (1980) ലഭിച്ചു. 1962-ല്‍ തലശ്ശേരി ലോകസഭാമണ്ഡലത്തില്‍ നിന്നു എം.പിയായി തിരഞ്ഞെടുക്കപ്പെട്ടു, പ്രസിദ്ധ സാഹിത്യ നിരൂപകന്‍ സുകുമാര്‍ അഴീക്കോടായിരുന്നു മുഖ്യ തിരഞ്ഞെടുപ്പ് എതിരാളി. കാലിക്കറ്റ്‌ സര്‍വ്വകലാശാല ഡോക്ടറേറ്റ്‌ നല്‍കി ആദരിച്ചു. 1982 ഓഗസ്റ്റ്‌ 6 -ന്‌ അന്തരിച്ചു.
[തിരുത്തുക] എസ്.കെ.പൊറ്റെക്കാട്ടിന്റെ പ്രധാന കൃതികള്‍
നാടന്‍ പ്രേമം എന്ന ചെറു നോവല്‍ പ്രസിദ്ധീകരിക്കപ്പെട്ടതൊടെ അദ്ദേഹം കഥസാഹിത്യരംഗത്തു പ്രസിദ്ധനായി. ഒരു പ്രധാന പ്രമേയത്തെ മുന്നിര്‍ത്തി വായനക്കാരുടെ മനസ്സില്‍ വികാരത്ഥിന്‍റെ വേലിയേറ്റം സൃഷ്ടിക്കനുള്ള കഴിവ് അദ്ദേഹത്തിന്‍റെ പ്രത്യേകതയാണ്. ആനുകാലിക സംഭവങ്ങളെ മിത്തുകളാക്കി മാറ്റി അത് അബോധ മനസ്സില്‍ പ്രതിഷ്ടിച്ച് അവയെ സപ്ര്ശിച്ച് വായനക്കാരന്‌ പ്രതിപാധ്യത്തെ ഹിതകരമാക്കുന്ന രീതിയാണ് അദ്ദേഹം കൈക്കൊണ്ടത്.
- നോവലുകള്‍: നാടന്‍പ്രേമം, വിഷകന്യക, ഒരു ദേശത്തിന്റെ കഥ, ഒരു തെരുവിന്റെ കഥ, കുരുമുളകു്.
അദ്ദേഹത്തിന്‍റെ യാത്രാ വിവരണ സാഹിത്യത്തിനു തുലനം ചെയ്യാന്‍ മറ്റൊന്നില്ല. അദ്ദേഹത്തിന്‍റെ യാത്രാവിവരണലേഖനങ്ങള്‍ മൂന്നു വാല്യങ്ങളിലായി പ്രസിദ്ധീകരിച്ചിരിക്കുന്നു.
- യാത്രാവിവരണം: നൈല്‍ഡയറി, യൂറോപ്പിലൂടെ, പാതിരാസൂര്യന്‍റെ നാട്ടില്‍, കാപ്പിരികളുടെ നാട്ടില്‍, ബാലിദ്വീപ്‌, ലണ്ടന്‍ നോട്ട് ബുക്ക്, സഞ്ചാരസാഹിത്യം (2 വാള്യങ്ങള്‍).
- ചെറുകഥ: എസ്.കെ.പൊറ്റെക്കാടിന്റെ കഥകള്‍, ഒട്ടകവും മറ്റ് പ്രധാന കഥകളും
- കഥാ സമാഹാരം : വൈജയന്തി, മണിമാളിക , മേഘമാല, ഇന്ദ്രനീലം, രാജമല്ലി
- കവിതാ സമാഹാരം: പ്രഭാതകാന്തി, സഞ്ചാരിയുടെ ഗീതങ്ങള്‍, പ്രേമശില്പി
