Kèsing
Van Wikipedia
- Dit artikel is gesjreve in 't Kèsings. 't Weurt gewaardeerd óm in dit artikel woe meugelik 't Kèsings aan te hawte.
Kèsing (Hollanse naam: Kessenich) is 'n dörp en deilgemeintje van Kinder in Bèlsj Limburg. Kèsing is 't meist noordoestelike dörp van Bèlsj, en grensjt zoewaal in 't niorde es 't oëste aan Nederland. In 't oëste is de Maas 'n nateurlike grens, in 't noorde ligge de dörpe Toear, Ittervoort en Itter.
Kèsing waas tot de aneksatie door Frankriek in 1795 'n onaafankelike vriej hierlikheid.
De barons Michiels van Kèsing verbleve hie lange tied op de Berg, nen aangelagdje heuvel in 't centrum. Later verhuusjde der nao 't kastiël Borgitter tege de grens met Itter. Ondanks de naam wore de Michielse gein hier euver 't onaafankelike Kèsing.
