Weltierfschaft
Vu Wikipedia, der fräier Enzyklopedie.
D'UNESCO-Lëscht vun der Weltierfschaft, WORLD HERITAGE, besteet aus der Weltkulturierfschaft an der Weltnaturierfschaft. Am Ganzen ëmfaasst se 788 Denkmäler an 134 Länner. Dovu sinn 611 Kulturdenkmäler (K) an 154 Naturdenkmäler (N), 23 Denkmäler gehéieren sowuel zur Kultur- wéi zur Naturierfschaft.
D'UNO Ënnerorganisatioun ënnerstëtzt bei de genannten Monumenter d'Protektioun an d'Restauratioun duerch materiell an wëssenschaftlech Hëllef.
D'Grondlag dozou ass eng UNESCO-Konventioun fir d’Protektioun, déi 1972 zu Stockholm ausgeschafft gouf. Se ass 1975 a Kraaft getrueden.
Fir an déi Lëscht opgeholl ze ginn, muss wéinegstens ee vun dëse Critèren erfëllt sinn:
- Den Objet muss vun eenzegartegem artisteschem Wäert sinn
- E muss staarken kulturellen Afloss op eng geografesch Regioun oder op eng Zäit hunn
- E muss e groussen Seelenheetswäert hunn oder ganz al sinn
- E muss fir eng bestëmmten artistesch Entwécklung representativ sinn
- E muss fir eng bestëmmten Architekturzäit stoen
- E muss eng grouss Bedeitung hunn am Zesummenhang mat enger wichteger Iddi oder mat enger historescher Figur.
D'Iddi fir dëse Projet koum duerch en Opruff vun der UNESCO vum 8. Mäerz 1960, fir déi Monumenter ze retten, déi duerch de Bau vum Assuan-Staudamm vum Nil zerstéiert gi wiren.
Eemol d'Joer, normalerweis Ufanks Juli, gesäit sech den UNESCO World Heritage Commitee, fir doriwwer ofzestëmmen, wat nach op d'Lëscht komme kéint.
Op d'Rout Lëscht vun der Kulturierfschaft gi besonnësch menacéiert Objeten opgeholl, zuguer wann den zoustännege Staat keng Demande gemaach huet. Zënter 2004 stinn op deeër Lëscht 35 Denkmäler.
De Begrëff vun der kultureller Ierfschaft ("héritage") geet op den Henri-Baptiste Grégoire zréck, deen am 18. Joerhonnert Bëschof vu Blois war, an ass schonn de 14. Mee 1954 an der Haager Konventioun definéiert, déi vun den USA net ënnerschriwwe gouf.
- "Damage to cultural property, belonging to any people whatsoever, means damage to the cultural heritage of all mankind, since each person makes its contribution to the culture of the world"
