ತ್ರಿವೇಣಿ
From Wikipedia
ತ್ರಿವೇಣಿ ಎಂಬ ಬರಹನಾಮದಿಂದ ಪ್ರಸಿದ್ದರಾದ ಶ್ರೀಮತಿ ಅನುಸೂಯ ಶಂಕರ್ ರವರು ಸೆಪ್ಟಂಬರ್ ೧,೧೯೨೮ರಂದು ಮಂಡ್ಯದಲ್ಲಿ ಜನಿಸಿದರು. ತಂದೆ ಬಿ.ಎಮ್.ಕೃಷ್ಣಸ್ವಾಮಿ, ತಾಯಿ ತಂಗಮ್ಮ. ಇವರ ಹೈಸ್ಕೂಲ್‍ವರೆಗಿನ ಶಿಕ್ಷಣ ಮಂಡ್ಯದಲ್ಲಿ ಆಯಿತು. ಕಾಲೇಜು ಶಿಕ್ಷಣ ಮೈಸೂರಿನಲ್ಲಿ ಆಯಿತು. ೧೯೪೭ರಲ್ಲಿ ಮಹಾರಾಜಾ ಕಾಲೇಜಿನಿಂದ ಮನ:ಶಾಸ್ತ್ರದಲ್ಲಿ ಸಿದ್ದೇಗೌಡ ಚಿನ್ನದ ಪದಕದೊಂದಿಗೆ ಬಿ.ಎ.ಪದವಿ ಪಡೆದರು. ಕನ್ನಡದ ಕಣ್ವ ಬಿ.ಎಂ.ಶ್ರೀಯವರ ಸೋದರನ ಪುತ್ರಿಯಾಗಿದ್ದ ಇವರು, ತಮ್ಮ ಕಾದಂಬರಿಗಳ ಮೂಲಕ ಕನ್ನಡ ಸಾಹಿತ್ಯಲೋಕಕ್ಕೆ ಮರೆಯಲಾಗದ ಕಾಣಿಕೆ ನೀಡಿದ್ದಾರೆ. ತ್ರಿವೇಣಿಯವರು ತಮ್ಮ ಮೂವತ್ತೈದನೆಯ ವಯಸ್ಸಿನಲ್ಲಿಯೇ ಜುಲೈ ೨೯, ೧೯೬೩ರಂದು ನಿಧನರಾಗಿದ್ದು ಕನ್ನಡ ಕಾದಂಬರಿಲೋಕಕ್ಕೆ ಬಹಳಷ್ಟು ನಷ್ಟವನ್ನುಂಟುಮಾಡಿದೆ ಎಂದು ವಿಮರ್ಶಕರ ಅಭಿಪ್ರಾಯ.
ಮನಃಶಾಸ್ತ್ರದ ಪದವೀಧರೆಯಾದ ತ್ರಿವೇಣಿಯವರ ಅನೇಕ ಕೃತಿಗಳು ಮನಃಶಾಸ್ತ್ರಕ್ಕೆ ಸಂಬಂಧಪಟ್ಟವು. ಮನಃಶಾಸ್ತ್ರದ ಅಧ್ಯಯನಕ್ಕೆ ಸಂಬಂಧಪಟ್ಟ ಸನ್ನಿವೇಶಗಳು ಹಾಗೂ ಉದಾಹರಣೆಗಳು ಅವರ ಅನೇಕ ಸಣ್ಣ ಕಥೆಗಳು ಹಾಗೂ ಕಾದಂಬರಿಗಳಲ್ಲಿ ಕಂಡುಬರುತ್ತವೆ.
ಪರಿವಿಡಿ |
[ಬದಲಾಯಿಸಿ] ಕೃತಿಗಳು
ತ್ರಿವೇಣಿಯವರ ಕೆಲವು ಕೃತಿಗಳು:
[ಬದಲಾಯಿಸಿ] ಕಾದಂಬರಿಗಳು
- ಹಣ್ಣೆಲೆ ಚಿಗುರಿದಾಗ
- ಬೆಳ್ಳಿಮೋಡ
- ಶರಪಂಜರ
- ಮುಕ್ತಿ
- ಹೂವು ಹಣ್ಣು
- ಕಾಶಿಯಾತ್ರೆ
- ದೂರದ ಬೆಟ್ಟ
- ಬೆಕ್ಕಿನ ಕಣ್ಣು
- ಬಾನು ಬೆಳಗಿತು
- ಹೃದಯಗೀತೆ
- ಕೀಲುಗೊಂಬೆ
- ಅಪಸ್ವರ
- ಅಪಜಯ
- ತಾವರೆ ಕೊಳ
- ಸೋತು ಗೆದ್ದವಳು
- ಕಂಕಣ
- ಮುಚ್ಚಿದ ಬಾಗಿಲು
- ಮೊದಲ ಹೆಜ್ಜೆ
- ಅವಳ ಮನೆ
- ವಸಂತಗಾನ
- ಅವಳ ಮಗಳು(ಈ ಕಾದಂಬರಿಯು ಅರ್ಧವಾಗಿದ್ದಾಗ ತ್ರಿವೇಣಿಯವರು ನಿಧನರಾದರು. ಶ್ರೀಮತಿ ಎಮ್.ಸಿ.ಪದ್ಮಾ
ಕಾದಂಬರಿಯನ್ನು ಪೂರ್ಣಗೊಳಿಸಿದ್ದಾರೆ.)
- ತೀರ್ಥಯಾತ್ರೆ
[ಬದಲಾಯಿಸಿ] ಕಥಾಸಂಕಲನಗಳು
- ಸಮಸ್ಯೆಯ ಮಗು
- ಎರಡು ಮನಸ್ಸು
- ಹೆಂಡತಿಯ ಹೆಸರು
[ಬದಲಾಯಿಸಿ] ತ್ರಿವೇಣಿಯವರ ಅನುವಾದಿತ ಕೃತಿಗಳು
ಅಪಸ್ವರ, ಅಪಜಯ ಹಾಗು ಏಳು ಸಣ್ಣ ಕತೆಗಳು ಹಿಂದಿ ಭಾಷೆಗೆ ತ್ರಿವೇಣಿ ಸಪ್ತಕ್ ಎಂದು ಅನುವಾದವಾಗಿವೆ. ಎಸ್.ಎಮ್. ರಾಮಸ್ವಾಮಿಯವರು ಅನುವಾದಿಸಿದ್ದಾರೆ. ಮೀರಾ ನಾರ್ವೇಕರ ಅವರು ಶರಪಂಜರಕಾದಂಬರಿಯನ್ನು ಇಂಗ್ಲಿಷ್ ಭಾಷೆಗೆ ಹಾಗು ಶರ್ವಾಣಿಯವರು ಬೆಕ್ಕಿನ ಕಣ್ಣು ಕಾದಂಬರಿಯನ್ನು ತೆಲುಗು ಭಾಷೆಗೆ ಅನುವಾದಿಸಿದ್ದಾರೆ.
[ಬದಲಾಯಿಸಿ] ಚಲನಚಿತ್ರೀಕರಣ
ತ್ರಿವೇಣಿಯವರ ೫ ಕಾದಂಬರಿಗಳು ಚಲನಚಿತ್ರಗಳಾಗಿವೆ:
- ಹಣ್ಣೆಲೆ ಚಿಗುರಿದಾಗ(೧೯೬೮)
- ಬೆಳ್ಳಿಮೋಡ (೧೯೭೦)
- ಶರಪಂಜರ (೧೯೭೧)
- ಮುಕ್ತಿ
- ಹೂವು ಹಣ್ಣು(೧೯೯೩)
[ಬದಲಾಯಿಸಿ] ಪುರಸ್ಕಾರ
ಅವಳ ಮನೆ ಕಾದಂಬರಿಗೆ ೧೯೬೦ರಲ್ಲಿ ಕರ್ನಾಟಕ ರಾಜ್ಯ ಪ್ರಶಸ್ತಿ ಹಾಗು ಸಮಸ್ಯೆಯ ಮಗು ಕಥಾಸಂಕಲನಕ್ಕೆ ದೇವರಾಜ ಬಹಾದ್ದೂರ ಪ್ರಶಸ್ತಿ ಲಭಿಸಿವೆ.
