ბურჯანაძე, ნინო

ვიკიპედიიდან

ნინო ბურჯანაძე

ნინო ბურჯანაძე (დ. 16 ივლისი, 1964, ქუთაისი) — ქართველი სახელმწიფო და პოლიტიკური მოღვაწე, საქართველოს პარლამენტის თავმჯდომარე 2001 წლის ნოემბრიდან. დაიბადა თერჯოლის რაიკომის პირველი მდივნის ანზორ ბურჯანაძის ოჯახში.

[რედაქტირება] განათლება

1981 - დაამთავრა ქუთაისის აკ. წერეთლის სახელობის მე-2 საშუალო სკოლა და იმავე წელს ჩაირიცხა თბილისის სახელმწიფო უნივერსიტეტის იურიდიულ ფაკულტეტზე.
1986 - უნივერსიტეტის დამთავრების შემდეგ ჩაირიცხა მოსკოვის მ. ლომონოსოვის სახელობის სახელმწიფო უნივერსიტეტის საერთაშორისო სამართლის კათედრის ასპირანტურაში.

[რედაქტირება] სამეცნიერო საქმიანობა

1990 - დაიცვა დისერტაცია საერთაშორისო ორგანიზაციებისა და საერთაშორისო საზღვაო სამართლის პრობლემებზე და მიენიჭა იურიდიულ მეცნიერებათა კანდიდატის წოდება.
გამოქვეყნებული აქვს ოცამდე მეცნიერული ნაშრომი ქართულ, რუსულ და ინგლისურ ენებზე. მათ შორის ერთი მონოგრაფია ახალი ტიპის საერთაშორისო ორგანიზაციების სამართლებრივ საკითხებზე.

[რედაქტირება] სამსახურებრივი საქმიანობა

პარლამენტის თავმჯდომარე

1991-დან - მუშაობს თბილისის სახელმწიფო უნივერსიტეტის საერთაშორისო სამართლის კათედრის დოცენტის თანამდებობაზე.
1991-92 - საქართველოს ეკოლოგიის სამინისტროს ექსპერტ-კონსულტანტი.
1992-95 - საქართველოს პარლამენტის საგარეო ურთიერეთობათა კომისიის ექსპერტ-კონსულტანტი.
1995-დან - საქართველოს პარლამენტის წევრი.
1995-98 - საქართველოს პარლამენტის საკონსტიტუციო, იურიდიულ საკითხთა და კანონიერების კომიტეტის თავმჯდომარის პირველი მოადგილე, ხოლო 1998-99 წლებში ამავე კომიტეტის თავმჯდომარე.
2000-2001 - საქართველოს პარლამენტის საგარეო ურთიერთობათა კომიტეტის თავმჯდომარე.
1995-1998 - დიდ ბრიტანეთში საქართველოს პარლამენტის მუდმივმოქმედი დელეგაციის ხელმძღვანელი.
1999-2002 - ევროკავშირ-საქართველოს საპარლამენტო თანამშრომლობის კომიტეტის თანათავმჯდომარე.
1998-2000 - არჩეული იყო ეუთოს საპარლამენტო ასამბლეის დემოკრატიის, ადამიანის უფლებებისა და ჰუმანიტარული საკითხების კომიტეტის მომხსენებლად, 2000 წლიდან არის ეუთოს საპარლამენტო ასამბლეის ვიცე პრეზიდენტი.
2001, ნოემბერი - შავი ზღვის ქვეყნების ეკონომიკური თანამშრომლობის საპარლამენტო ასამბლეის პრეზიდენტი.
2001, ნოემბერი – საქართველოს მეხუთე მოწვევის პარლამენტის თავმჯდომარე (2004 წლის აპრილამდე).
2003, ნოემბერი - საქართველოს პრეზიდენტის მოვალეობის შემსრულებელი (2004 წლის იანვრამდე).
2004, აპრილი - არჩეულია საქართველოს მეექვსე მოწვევის პარლამენტის თავმჯდომარედ.

შეცვალა: ედუარდ შევარდნაძე	პრეზიდენტი (მოვ. შემსრ.) 2003–2004 (ნაწილ.)	შემდეგი: მიხეილ სააკაშვილი