Orgasme

Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Bébas mawi basa Jawi

Orgasme

Orgasme iku artine uculan ndadak ketegangan seksual sing ngumpul, sing nggaweake tarikan otot ritmik ning daerah pinggul sing ndadiake sensasi kenikmatan sing dhuwur lan dimeloni relaksasi ingkang cepet. Iki biasane wayahe mung pirang detik thok. Orgasme uga wujude pengalaman psikologis kenikmatan lan pembuangan, pas pikiran dipusatke ana ning pengalaman pribadi bae. Orgasme kadang -kadang diarani klimaks utawa katekonan.

Ning riset asli siklus respon seksual manungsa, orgasme iku tahap kaping telu saka 4 tahap, sing kedaden sawise tahap peningkatan lan sadurunge fase penyelesaian. Model siklus respon seksual liyane sing ditampa sing dikembangke karo Helen Singer Kaplan, MD, PhD. meloake 3 tahap bae: gairah, kasenengan lan orgasme.

Orgasme kuwi bedha rasane saka wong siji ning wong liyane lan kanggone individu ning wektu sing bedha. Kadang orgasme iku wujude gelombang sensasi sing nguntap – nguntap lan ngumunnake, sak liyane luwih enteng, alus lan ora kuat banget. Bedhane intensitas orgasme amarga faktor awak, kaya, keselen lan suwine wektu saka orgasme ingkang keri dhewe, sekaligus faktor psikososial, ati, hubungan karo pasangan, pangawean, kekarepan lan rasa pengalaman iku dhewe.

Ana komponen fisiologis saka orgasme. Kaping siji, orgasme kuwi respon total awak, dudu kondisi pinggul thok. Pola gelombang otak wis nandake kemalihan sing tenanan pas wayah orgasme, lan otot – otot sing ana akeh ning awak sing bedha sing pas kontraksi ning wayah respon seksual iki. Wong – wong ana sing ngrasake kontraksi otot rai sing ora disengaja, ndadiake mimik sing kayane mringis utawa ekspresi rak jenak, nanging iki sabenere tanda – tandane rangsangan seksual sing dhuwur.

Ciri fisik sing paling kethok saka orgasme iku sensasi sing digawe karo kontraksi ritmik sing nyambung saka otot pubokoksigeus. Vagina kethok teles, itile tambah kethok gedhe amarga geteh akeh sing mlebu ning kana lan ketutupan kulit itil, daerah ning sekitar wawuke tambah abang, labium minor warnane tambah peteng. Barengan karo kontraksi saka spinkter anal (otot cincin sing nyempitke utawa nyelake silit), rectum lan perineum, rahim lan lapisan njaba kaping 3, ukuran vaginane susut 30%, kanggone wong wadon. Pembuluh geteh lan otot ejakulatori ning sekitar kontol kanggone wong lanang, iki numpuk reflek orgasme. Kontraksi kaping pisan kuat lan cedhak siji karo liyane, kedaden ning wayah 0,8 detik. Sak liyane orgasme keterusan, kontraksi kalong secara intensitas utawa suwine, lan kedaden ning interval sing luwih arang – arang.

Meski ana bedha anatomi alat kelamin lanang lan wadon, orgasme ning lanang lan wadon secara fisiologis lan psikologis iku padha. Sakbenere, penelitian wis dilakoni, sing “ahli” ora isa nentuake jenis kelamin sak bener – benere pas maca gambaran orgasme – orgasme sing kabehe petunjuk anatomine diilangke.

Poro wadon wis ngandani yen sensasi orgasme iku dimulai saka rasa kenceng, bar kuwi rasa enak sing cepet sing biasane mulai ning itil lan nyebar ning pinggul. Perkakas kelamin biasane anget, kaya disetrum utawa keri, lan sensasi fisik iki biasane nyebar ning awak. Poro wadon paling akeh ngrasake tarikan otot ning vagina utawa pinggul ngisor, sing diuneake karo 'denyut pinggul

Rasa orgasme ning wong lanang wis digambarke konsisten dimulai saka sensasi anget utawa surungan jero sing hubunganne “ejakulasi ora iso diendani”, bagian ejakulasi ora iso diendeake. Kuwi dirasake kayak kontraksi enak sing jero lan kuat, sing meloake otot pubokoksigeus, sfinkter anal, rektum, perineum lan kontol. Bedha sing utama fase orgasmik wadon lan lanang yoiku akeh wadon ketimbang lanang sing duwe kemampuan fisik kanggo siji utawa luwih orgasme tambahan ning wayah cekak tanpa tiba ning ngisor tingkat gairah seksual. Orgasme iku tergantung karo rangsangan lan minat seksual sing luwih.