Andrij Sjevtsjenko
Úr Wikipediu, frjálsa alfræðiritinu
Andrij Sjevtsjenko (úkraínska: Андрій Миколайович Шевченко, fæddur 29. september 1976 í borginni Dvrkivshchyna í Úkraínu) er knattspyrnumaður og spilar í dag fyrir ítalska liðið AC Milan og hefur undanfarin ár verið einn marksæknasti framherji Evrópu. Hann hefur skorað meira en 100 mörk í Seríu A og var árið 2004 valinn Knattspyrnumaður Evrópu. Hann hefur hlotið Gullknöttinn.
Sjevtsjenko hóf feril sinn með Dynamo Kiev sem er frá samefndri borg í Úkraínu. Þangað kom hann 9 ára gamall þegar unglingaþjálfari liðsins sá hann spila á vinsælu knattspyrnumóti. Dynamo Kiev var eitt af skemmtilegri liðum Evrópu á sínum tíma og vann m.a. titilinn í heimalandi sínu fimm ár í röð, frá 1995 til 1999. Óhætt er að fullyrða að það ár hafi Kænugarðsliðið verið með eitt besta lið Evrópu, þeir unnu m.a. Barcelona 4-0 heima og úti í átta liða úrslitum en töpuðu fyrir Bayern Munchen í undanúrslitum. Sjevtsjenko varð markahæsti leikmaður Meistaradeildarinnar þá með 10 mörk skoruð. Eftir það ævintýri var hann svo keyptur til Milan liðsins. Silvio Berlusconi, forseti félagsins, ákvað að leggja út fyrir honum og greiddi fyrir hann háar fjárhæð. Eða upphæð sem nam 25 milljónum dollara. Sem hann hefur ekki séð eftir. Þar hefur Sjevtsjenko dvalið allar götur síðan. Hann varð fljótt afar vinsæll meðal stuðningsmanna félagsins og er í dag fyrirliði liðsins.
Sjevtsjenko átti stóran þátt í því að Úkraína komst í fyrsta skipti í úrslit heimsmeistarakeppninar í fótbolta sem haldin verður í Þýskalandi sumarið 2006. Samtals hefur hann leikið 63 landsleiki fyrir land sitt og skorað í þeim 28 mörk.
14. júlí 2004 giftist hann bandarískri fyrirsætu,Kristen Pazik. Athöfnin fór fram í Washington án vitundar fréttamanna og ljósmyndara.
