Foxo-chaso
From Wikipedia
| Gramatikala revizo bezonata |
Foxochaso esas anciena hobio en Granda Britania. On praktikas foxochaso plu kam 300 yari. Ank en ex-koloniala landi, por exemplo, en India on praktikas ol. En la chaso partoprenas granda kavalistaro e foxo-hundaro, c. 40–50 hundi. La chasestro organizas e direktas la chaso. Lu savas, ube la chaseri darfas irar ed ube esas maxim bona kursi en tereno. La kavalistaro akompanas la chasestro e direkte ne partoprenas la chaso. La chasisto (ofte per helpo da surveyanto sur hundi) duktas la hundaro. La foxo-hundo esas kinfoye plu granda kam foxo. La chaso komencas, kande chasisto blovas signo per tubo. Lu startas chasar kun hundi, quo esas sendita pro flarar la foxo. Kande hundi flaras foxo, la precipua chaso komencas. Se foxo esas kaptita da hundi, ol mortos en kanini di hundi. Teoriale hundo klemas per denti foxo en nuko e mortigos la foxo agitante tre forte. Praktikale foxo divenas trituita. Se la foxo celas su en truo, la chasisto pafas ol. Un chasaro povas mortigar dum un dio quar foxi. Averajale dum chaso-periodo esas 22.500 chaso-dii en Granda Britania. Plu kam 50.000 chaseri partoprenas, ed enrejistrita foxo-hundari esas 184. La chasi havas vasta komercala efekto en rurala arei. La chaso esas kruelega por foxo. Pro lo la foxo-chaso per hundi esas interdiktita depos 18 di februaro ye 2005, ma la chaseri opozas la nova lego. La rurani e l’ urbani havas kontrea opinioni pri la foxo-chaso, e fanatika chaseri pensas organizar nelegala chasi en futuro.
