Sanguine
De Wikipedia, le encyclopedia libere
Le sanguine [sán-gwi-ne] es un fluido que circula per le vasculos sanguin. Illo contine cellulas rubie, cellulas blanc, e plachettas, e un liquido pallide appellate plasma.
Iste liquido age como un medio fluide pro le suspension del cellulas sanguin e substantias pro le coagulamento del sanguine. Illo etiam transporta nutrimento dissolvite al texitos del corpore; al mesme tempore illo remove le discargos residual del texitos e livra los al organos de excretion como le renes e le pulmones.
Le cellulas rubie del sanguine contine hemoglobina, le pigmento rubie que porta oxygeno. Assi le sanguine porta oxygeno a omne texitos del corpore.
Le cellulas blanc del sanguine es parte del defensas del corpore contra infectiones. Alcunes de illos ingluti bacterios e viruses e destrue los, ancora alteres produce proteinas e anticorpores pro combatter le infectiones.
Le plachettas es parve cellulas que circula in le sanguine pro impedir e cessar le fluxo de sanguine foras del vasculos (un hemorrhagia), e promover le coagulation del sanguine in un vulnere.
Le cellulas del sanguine, rubie, blanc e le plachettas se fabrica in le medulla del ossos.
