Chronista
De Wikipedia, le encyclopedia libere
CHRONISTA (s) cro-nì-sta
Etymologia:
Ab le gr. chronos, tempore; ab le lat. chronica.
Definition:
- Antique scriptor de chronicas, p. ex. un chronista del epocha del antique Roma.
- In le jornalismo, un redactor que labora al servicios de chronica; p. ex. un chronista sportive.
- In le critica litterari del Biblia, chronista es le nomine conventional date a un gruppo de autores incognite al qual remonta le obra historic nominate "chronistic" del Vetule Testamento. Illo imbracia le libros de 1 Chronicas, 2 Chronicas, Esdra, e Nehemia. Le Obra historic chronistic describe in le prime parte (1 e 2 Cr) le historia de Israel ab Adam usque al exilio. Al centro il ha le reges David e Salomon. Le secunde parte del obra (Esdra e Nehemia) narra le retorno a Jerusalem del Judeoos e le reconstruction del Templo e del muros del citate, usque al consecration del templo e le re-lectura public del Lege. A differentia del Deuteronomista, le Chronista se monstra interessate como le Codice sacerdotal al institutiones cultual e liturgic. Le chronista describe le historia de Israel circum le liturgia del templo e vide le culto (liturgias, festas, sacerdotes, cantores) le centro supportante del existentia de Israel. Le obra chronistic es datate ab le 4e al 3e seculo a. C. Vide alsi: Deuteronomio, Codice sacerdotal.
