Parroquia
Na Galipedia, a wikipedia en galego.
Parroquia defínese no Código do Dereito Canónico como a unidade básica de delimitación territorial da Igrexa, agrupados xerarquicamente en arciprestados.
O termo parroquia deriva do grego "paroika", que significa habitación ou reunión de habitantes. Trocouse co tempo en "paroecia" e "parochia".
Tamén eran chamadas parochias as primeiras dioceses, xeralmente con anterioridade ó século V, aínda que agora este termo se usa para os bispados.
Unha das primeiras mencións as parroquias ven do tratado "Parachiale", tamen chamado "División de Theodemir", firmado no ano 569 polo rei suevos Teodomiro. Neste tratado están comprendidas as dioceses tanto de Galicia coma do norte de Portugal, e di cal é o crego relacionado ca parroquia (inclúe parroquias maiores e menores).
Ó longo da historia apareceron textos que documentan as parroquias, como poden ser o testamento de Odoario (ano 760), o diploma de Aloito (ano 745).
Durante os séculos IX e XII as parroquias non aparecen como entidades tales, senón como vilas. Non será ata o século XIII cando aparezan definidas claramente.
Mediante a agrupación destas entidades parroquiais foron creados administrativamente os concellos en 1835. Aínda que xurdiron das parroquias eclesiásticas daquela, as parroquias administrativas actuais non coinciden con elas, nin os concellos cos arciprestados, pois por unha banda as eclesiásticas modificáronse (normalmente agregáronse no rural e subdividíronse no urbano), mentres que por outra as administrativas seguiron unha evolución independente.
