Galiza Ceive-OLN
Na Galipedia, a wikipedia en galego.
Galicia Ceibe-OLN foi unha organización indepedentista de esquerdas impulsada polo Partido Galego do Proletariado en 1980 como a súa fronte de actuación política. Tras a disolución do PGP en 1981 GC-OLN ocupará o seu espazo político, a independencia plena sen excluí-la loita armada. En 1982 foi unha das forzas de deu orixe ó BNG pero deixou ós poucos meses por diferenzas na estratexia electoral a seguir.
Nas eleccións de 1983 formou xunto ó PCOE e independentes as Candidaturas de Unidade Popular. Diante os malos resultados acadados Xosé Luís Méndez Ferrín propón a fins de ano na VI Asemblea Nacional a autodisolución da organización o que é rexeitado pola maioría. Nesa Asemblea decidiuse mudar o nome a Galiza Ceive-OLN e adoptar a ortografía reintegracionista.
A organización deu soporte ideolóxico ó Exército Guerrilheiro do Povo Galego Ceive.
En 1988 xunto o Partido Comunista de Liberación Nacional, escisión da UPG formou a Frente Popular Galega, integra a outro grupo que formaba parte da FPG procedente do PCLN, os Grupos Independentistas Galegos formado por universitarios da USC, ó ano seguinte Galiza Ceive-OLN decide deixa-la organización por diferenzas na estratexia da organización e autodisólvese para formar a Assembleia do Povo Unido
