Galó
Na Galipedia, a wikipedia en galego.
Xunto co bretón, da familia das linguas celtas, o galó é unha das dúas linguas propias de Bretaña.
É unha lingua romance (por tanto, derivada do latín) pertencente ao grupo galorrománico, subgrupo de oïl. Algúns lingüistas tamén a denominan britorromance.
O galó fálase tradicionalmente na parte oriental de Bretaña (nos seus límites históricos), así como en boa parte do departamento de Mayenne e no noroeste do de Maine-et-Loire (Alto Anjou).
Dentro do dominio de oïl, o galó encádrase tipolóxica e xeograficamente na súa área occidental e, por tanto, comparte numerosas características co normando e o pictevino-santonxés.
[editar] Comparativa léxica
| Galego | Bretón | Galó | Francés |
|---|---|---|---|
| abella | gwenanenn | avètt | abeille |
| cadeira | kador | chaérr | chaise |
| queixa | formaj | fórmaij | fromage |
| saída | er maez | desort | sortie |
| caer | kouezhañ | cheir | tomber |
| cabra | gavr | biq | chèvre |
| casa | ti | ostèu | maison |
| labio | gweuz | lip | lèvre |
| boca | genou | góll | bouche (gueule) |
| número | niver | limerot | numéro |
| pera | perenn | peirr | poire |
| escola | skol | escoll | école |
| esquío | kazh-koad | chat-de-boéz | écureuil |
| estrela | steredenn | esteill | étoile |
| horario | taolenn an eurioù | oryaer | horaire |
| fumar | mougañ | betunae | fumer |
| hoxe | hiziv | anoet | aujourd'hui |
| asoubiar/chifrar | c'hwibanañ | sublae | siffler |
