Wurdum

Wurdum (Wirdum) is in terpdoarp yn it Sudertrimdiel yn de gemeente Ljouwert. It doarp hat 1.236 ynwenners (2005).

Ynhâld

1 Topografy
- 1.1 Ferbinings
- 1.2 Lizzing
2 Sint Martenstsjerke
3 Stasjon
4 Untwikkeling ynwennertal
5 Sjoch ek

[bewurkje seksje] Topografy

[bewurkje seksje] Ferbinings

Wirdum leit op it krúspunt fan trije fearten:

De Wurdumer Feart, dy't yn it ferline trochrûn nei Ljouwert.
De Nije Wurdumer Feart, dy' ferbining jout mei de Ringsleat fan de Wergeaster Mar, en fierder nei Wergea.
De Tsjaarder Feart.

Earder wie der ek noch:

De Werpster Feart, dy't allinnich nei de Werp late.

Wurdum is it krúspunt oan de noardein fan de A32, dy fan dêr N32 wurdt.

[bewurkje seksje] Lizzing

It doarp lei likernôch 5 kilometer súd fan Ljouwert. Wurdum leit op de koördinaten 53°9'N, 5°48'E.

[bewurkje seksje] Sint Martenstsjerke

Sint Martenstsjerke.

Yn it doarp stiet de monumentale protestantske Sint Martinustsjerke. De oarspronklike dowestientsjerke wie mûglik fan 1204. Oan de ein fan de 13e ieu is it grutstepart fan de tsjerke nijboud. De tsjerke is wijd oan Martinus fan Toers.

Yn likernôch 1688 of 1718 hat it doarp de toer oan de westkant fan de ôfbrekke litten, om it jildtekoart fan de tsjerke. De toer wie fan dowestien, dat nei gedachten wie dy fan de oarspronklike tsjerke. De dowestienen waarden ferkoft oan de semintyndustry yn Makkum. De Wirdumers hawwe hjirtroch de bynamme tuorkefretters of toerfretters. Yn de 18e ieu is de westkant fan de tsjerke noch fierder ynkoarte. It is net dúdlik of de tsjerke earder twa tuorren hie; de hjoeddeiske toer is fan 1806, en is boud dêr't nei alle gedachten earder in kapel west hast.

[bewurkje seksje] Stasjon

Fan 1868 oant 1938 en fan 1940 oant 1949 hie Wurdum in stasjon oan it spoar fan Swol nei Ljouwert. De geografyske ferkoarting foar Wurdum wie Wdm.

[bewurkje seksje] Untwikkeling ynwennertal

It inwennertal fan Wurdum is desennialang stabyl bleaun, mar sûnt de sântiger jierren komme der stadichoan mear op-en-del-reizgers foar Ljouwert te wenjen.