Otxarkoaga-Txurdinaga
Wikipedia(e)tik
| Biztanleria (1987-2004) | ||
|---|---|---|
| Errolda urtea |
Biztanleria | |
|
|
||
| 1987 | 26.696 | |
| 1988 | 27.025 | |
| 1989 | 27.180 | |
| 1990 | 27.751 | |
| 1991 | 27.741 | |
| 1992 | 28.071 | |
| 1993 | 28.341 | |
| 1994 | 29.297 | |
| 1995 | 29.215 | |
| 1996 | 30.167 | |
| 1997 | 30.356 | |
| 1998 | 30.479 | |
| 1999 | 30.275 | |
| 2000 | 29.965 | |
| 2001 | 29.771 | |
| 2002 | 29.590 | |
| 2003 | 29.770 | |
| 2004 | 30.010 | |
Otxarkoaga-Txurdinaga Bilboko barrutia da. Ibaizabal ibaiaren ekialdera kokatzen da. Iparraldean Uribarriko barrutiarekin eta mendebaldean Begoñako barrutiarekin egiten du muga. Barrutiak guztira; 389,94 hektareako azalera dauka, eta 30.010 biztanle.
[aldatu] Barrutiaren ezaugarriak
Distritua bi auzotan banatzen da, Txurdinaga eta Otxarkoaga. Bi auzo hauek, bi hirigintza eredu oso desberdinen adibide garbia dira. Txurdinagan espazio zabalak eta gune berdeak nagusi diren bitartean. Otxarkoagan pilaketa, kale estuak eta maldak nagusitzen dira.
Auzoen biztanleri egituran ere, desberdintasun handiak ikus daitezke. Otxarkoagan etxebizitza sozial eta udalak sustaturikoa nagusi da, horrek eraginda, biztanleriaren zati handi batek udalaren laguntzak jasotzen ditu. Txurdinagan ostera, etxebizitza soziala baldin badago ere, etxebizitza gehienak libreak dira.
Biztanleriaren adinari dagokionez, Otxarkoagako biztanleriaren bataz-besteko adina hiriaren bataz-bestekoaren gainetik dago, hau da, biztanleriaren zahartze prozesua arinagoa da. Txurdinagan bestalde, auzo "gazteagoa" izateagatik, zahartze hori astiroago gertatzen ari da.
