Shohei Imamura

De Uiquipedia

Shohei Imamura (今村昌平 Imamura Shōhei) yera un cineasta xaponés nacíu'l 15 de setiembre de 1926 en Tokio (Xapón) y morrió el 30 de mayu de 2006.

Figura de la Nouvelle Vague xaponesa, xunto a otros dos directores rebeldes, Naguisa Oshima (L'imperiu de los sentíos) y Masahiro Shinoda. Foi descubiertu en Francia al entamu de los años 60 con La muyer insectu. Recibió dos Palmes d'Oro nel Festival de Cine de Cannes: en 1983 por La Balada de Narayama y en 1998 por L'Anguila, siendo l'únicu director xaponés en conseguir esti galardón.

[editar] Biografía

[editar] Los entamos

Estudió historia occidental, pero al final de la Segunda Guerra Mundial, abandona los sos estudios y vive nel barriu de Shinjuku (onde se concentra la marcha nega) en Tokio.

Una proyección d'una película d'Akira Kurosawa ye lo que lu decide a facer cine. Consigue ganar el concursu d'entrada na Shochiku y debuta como asistente de Yasujiro Ozu al entamu de los años 50. Darréu conviértese n'escenógrafu pa Yuzo Kawashima.

Dexa rapido la Shochiku pola Nikkatsu. Allí fairá la so primera película como realizador: Deséu Robáu (1958). Pa llanzar un cantante, la Nikkatsu impónen-y una pelícutla (La estación de Nishi-Ginza, 1958) a cambiu d'una mayor lliberta pala siguiente (Deséu interminable). Shohei Imamura decide entós que nun aceptará enxamás facer un film impuestu.

L'orixinal director entamó la so propia productora, Imamura Productions en 1965, y diez años depués una escuela de cine. Destacó pola so afición polo fantástico y tamién pol naturalismu, como queda reflexao na so obra Lluvia Negra (1989), una película que describe les consecuencies de la bomba atómica n'Hiroshima, aunque'l fracasu económicu d'esta película obligólu a dexar de rodar hasta 1996.

El so últimu llabor como cineasta foi unu de los once curtiumetraxes fechos por grandes directores de tol mundu y que formen la obra colectiva 11'09'01, sobre los atentaos del 11 de setiembre nos Estaos Uníos.

[editar] Filmografía (títulos n'inglés)

Stolen Desire (1958)
Nishi Ginza Station (1958)
Endless Desire (1958)
My Second Brother (1959)
Pigs and Battleships (1961)
The Insect Woman (1963)
Unholy Desire (1964)
The Pornographers (1966)
A Man Vanishes (1967)
The Profound Desire of the Gods o Kuragejima - Legends from a Southern Island (1968)
History of Postwar Japan as Told by a Bar Hostess (1970)
Karayuki-san, the Making of a Prostitute (1975)
Vengeance Is Mine (1979)
Eijanaika o Why Not? (1981)
The Ballad of Narayama (1982, Palma d'Oro)
Zegen (1987)
Black Rain (1989)
The Eel (1998, Palma d'Oro)
Dr. Akagi (1998)
Warm Water Under a Red Bridge (2001)
9'11''01 September 11 (2002)