Musas
De Uiquipedia
 |
| Esti artículu forma parte de la serie Mitoloxía Griega |
| Dioses |
|
Divinidaes primordiales |
| Elencos |
| Tamién |
Las musas son nueve divinidaes que personifican el camín pal correutu desendolcu de las artes mayores ou del Mitu. Seguramente seyan d'orixe preolímpicu y poro hai duas versiones pa la súa nacencia. La que basa l'escomienzu de las musas nos Antigos Tiempos fala de que son fías d'Uranu y Gaia; seyendo asina deidaes primordiales. Pero, al igual que colas Moiras, los griegos adautorunlas al nueu panteón faciéndolas fías de Zeus y Mnemosine -la Memoria-. Asina pa facelas más olímpicas xuniórunlas al cortexu d'Apolu quien tomara con ellas el nome y la figura d'Apolu Musaxeta. Hai distintas variedaes nel númberu de las musas, las más antiguas fálannos de tres, outras dicen que siete -Sicilia y Lesbos- en consonancia col númberu de planetas clásicos; formando asina la conocida teoría griega de la harmonía musical del Universu; por embargo'l númberu clásicu de Musas ye'l de nueve que lu fixo Hesíodu na Teogonía.
[editar] Las Musas clásicas
- Calíope, la primera ente toas asiste a los reis y curia de la poesía épica.
- Clío, la Hestoria; represénta-yla con un rollu d'escritura ente las manos.
- Érato, de la poesía amorosa; apaez con una llira ou con Eros a los pías.
- Euterpe, la flauta.
- Melpómene, la traxedia; representada con una mázcara tráxica y la maza
- Polimnia, la pantomima; apaez con pose meditabunda sobre los coldos y un deu na boca.
- Talía, la comedia; una moza que se ríi con corona de yedra, con mázcara de comedia y un bastón de pastore.
- Terpsícore, la dancia y la poesía llixera. Diba con una llira acompangandu a un coru de música de danciantes.
- Urania, l'astronomía.
A estas nueve musas clásicas Platón incluyóu una más, Safo; conocida dende entóncenes como la décima musa.
