Antroxu
De Uiquipedia
- Nota: Antroxu refierse a cualisquier persona que se vista o mazcare pa facese pasar por otra, esti artículo fala de la fiesta tradicional de los antroxos.
L'Antroxu ye una fiesta na que la xente camuda la so apariencia antroxandose y na que, aprovechando l'anonimatu, acostumese a facer trastaes y pequeñes chancies a los demás. Nel antroxu tópense dellos rasgos de vieyes folixes paganes d'iviernu, de cellebraciones griegues de Nisiu o de fiestes romanes.
Na vieya sociedá rural, fuertemente marcada pol cristianismu, el tiempu d'enantes de la Cuaresma la xente mazcarábase como ritu de raigañu paganu y imponíase un tiempu de permisividá qu'oponíase a la represión de la sexualidá y a la severa formalidá litúrxica de la Cuaresma.
[editar] Xeografía del antroxu
Los sitios que destaquen especialmente por tener fiestes d'Antroxu son Rio de Janeiro y Salvador de Bahía en Brasil, Venecia n'Italia, Nueva Orleans y Móbile (Alabama) n'Estaos Uníos, Santa Cruz de Tenerife, Las Palmas de Gran Canaria, Badaxoz, Cádiz, Avilés, Tolosa (Guipúzcoa) Villarrobledo (Albacete) n'España, y Montevideo n'Uruguay.
N'Alemaña (Colonia,Düsseldorf, Maguncia y Múnich) son bastante conocíes polos antroxos, desfiles y boles decoraes, que nel sur d'Alemaña nomanse fasching.
