Albania
De Uiquipedia
|
|||||
| Lema nacional: Nun tien | |||||
| Himnu nacional: Hymni i Flamurit («Himnu a la bandera») | |||||
 |
|||||
| Capital • Población • Coordenaes |
Tirana 353.400 (2003) 41°20′ N 19°48′ E |
||||
| Principal ciudá | Tirana | ||||
| Idiomes oficiales | Albanés | ||||
| Forma de gobiernu
Presidente
Primer ministru |
Democracia parlamentaria Alfred Moisiu Fatos Nano |
||||
| Independencia • Fecha |
Del Imperiu Otomanu 28 de payares de 1912 |
||||
| Superficie • Total • % agua Llendes Costes |
Puestu 139º 28.748 km² 4,7% 720 km 362 km |
||||
| Población • Total • Densidá |
Puestu 126º 3.582.205 (2003) 125 hab./km² |
||||
| PIB • Total (2005) • PIB per cápita |
Puestu 112º US$ 18.933 millones US$ 5.323 |
||||
| Moneda | Lek (Lk, ALL) = 100 qindarka |
||||
| Xentiliciu | Albanés, albanesa | ||||
| Fusu horariu • en branu |
UTC+2 = |
||||
| Dominiu Internet | .al | ||||
| Códigu telefónicu | +355 |
||||
| Prefixu radiofónicu | ZAA-ZAZ |
||||
| Códigu ISO | 008 / ALB / AL | ||||
| Miembru de: ONU, OSCE | |||||
Albania (n'albanés Shqipëri, país de l'águila) ye una república del oeste de la península de los Balcanes, abierta al Mar Adriáticu y al Mar Xónicu.
Albania llenda al norte con Montenegru, al noreste con Kosovo (Serbia), al este cola República de Macedonia y al sur con Grecia.
Nun territoriu de 28.747 km², compuestu mayormente de montes y viesques, viven alredor de 3,5 millones d'habitantes. Les principales ciudaes son la capital, Tirana con 300.000 habitantes, Dürres, Elbasan y Shkodër, con 100.000 habitantes caduna, Vlorë (90.000 hab.) y Korçë (80.000 hab.).
Tabla de conteníos |
[editar] Xeografía
Albania ye un país enforma montañosu (70 % del territoriu). El picu cimeru, el monte Korab, tien una altor de 2 753 m penriba'l nivel de la mar.
El restu de la superficie ta compuestu por valles estrenchos y llanures aluviales, escasamente aprovechables pa la agricultura al alternar les inundaciones con les époques de seca. Les tierres más fértiles son les de la vera de los llagos (Ohrid, Prespa Mayor y Prespa Menor) y les de delles mesetes intermediaries ente'l llanu y el monte.
El ríu mas importante ye'l Drini. Con una llargor de 282 km, ye ún de los pocos con un caudal estable tou l'añu. Los otros ríos, hasta dalgunos como'l Semani o'l Vjosa de más de 160 km, tan casique secos dafechu pel branu.
Albania dispón de 450 km de costa ente'l mar Xónicu y el mar Adriáticu.
Na marina, el clima ye mediterraneu, con una temperatura media añal de 16° (7° pel iviernu). En cambiu, nel interior domina un clima continental, con una media de 10° y contrastes bruscos de temperatura a lo llargo l'añu.
Los principales recursos naturales son el petroleu, el gas natural, el carbón, el cromo, el cobre, la madera, el níquel y la fuerza hidroeléctrica.
[editar] Historia
Los ilirios, pueblu de fala indoeuropea asitiaron alredor del añu 1000 adC. nel territoriu actual d'Albania. La so cultura recibio la influencia de los griegos, qu'establecieron varies colonies nes so territoriu. Más tarde, el territoriu formó la provincia romana d' Iliria.
Dende 1478, tres de vencer la resistencia dirixida por Gjergj Kastrioti Skenderbeg, consideráu héroe nacional, formó parte del Imperiu otomanu.
A la fin de la Guerra de los Balcanes, Albania declaró la independencia en 1912, pero'l país conoció una gran inestabilidá. Ente 1928 y 1948 Albania fue una monarquía, na que reinaron Zog I d'Albania (1928 - 1939) y, durante la ocupación italiana na Segunda Guerra Mundial, Vitor Manuel III de Saboya (1939 - 1943).
Tres la Segunda Guerra Mundial, los comunistes, dirixíos por Enver Hoxha tomaron el poder. Ente 1944 y 1990, cinco años dempués de que morriera Hoxha, Albania conoció una dictadura d'inspiración estalinista. Les sucesives ruptures del réxime cola Yugoslavia de Tito (1948), la URSS (1961) y China (1978) llevaron al país a una política d'aislamientu total y d'autarquía. Les consecuencies d'esta política fueron el retrasu tecnolóxicu y económicu, amás d'una terrible represión.
Dende 1990 Albania conoz una evolución hacia la democracia, pero ha de facer frente a problemes económicos, al crimen organizáu y a la llegada masiva de refuxaos de Kosovo.
[editar] Política
Dende 1990, Albania ye una democracia parlamentaria.
El xefe del estáu ye'l Presidente de la República, elixíu por 5 años mediante sufraxu indirectu pola Kuvendi (Xunta). El Presidente de la república noma al Primer Ministru y al gobiernu (17 ministros y 9 secretarios d'Estáu) y somételos a la aprobación de la Kuvendi.
La Kuvendi e Shqipërisë (Xunta d'Albania), conocía na dómina comunista como Kuvendi Popullor (Xunta del pueblu) ye un parlamentu monocameral, con competencies en materia de política interior, esterior y pa modificar la constitución. La mayoría de la Kuvendi renuévase cada cuatro años y componse de 100 diputaos elixíos por mayoría absoluta, a los que s'amiesten otros 40 escoyíos proporcionalmente polos partíos.
Los principales partíos políticos albaneses son:
- Partíu Socialista d'Albania (Partia Socialiste e Shqipërisë, PSSH), fundáu en 1991 y miembru de la Internacional Socialista. Dirixíu pol actual primer ministru Fatos Nano, gobierna'l país dende 1997. Nes eleiciones de 2001, recibió'l 41,5% de los votos (52,8% en 1997) y cuenta con 73 diputaos na Kuvendi.
- Partíu Democráticu d'Albania (Partia Demokratike e Shqipërisë, PDSH), de tipu conservador. Ye'l principal partíu de la oposición dende 1997. En 2001, col 36,8% de los votos algamó 46 diputaos (35 en 1997)
- Partíu Democráticu (Partia Demokrate): 5,1% de los votos y 6 diputaos.
- Partíu Social-demócrata (Partia Social-Demokrate, PSD): aliáu al PSSH de Fatos Nano. En 2001 obtuvo el 3,6% de los votos y 4 diputaos.
[editar] Organización alministrativa
Albania ta dividida en 36 rrethe (distritos), agrupaos en 12 qark (provincies). La capital, Tirana, tien un estatutu especial:
Llista de distritos:
|
|
|
[editar] Economía
El so PIB ye de 8.528.000.000$, si bien tien mas d´un 50% de economía Suversiva, y estimese que el so pib real ye d´alrodiu de18.700.000.000$, atendiendo a esto el so PIB per capita yeria de 4,900$ con una tasa de xorrecimientu del 5,5% en 2005. Estremau per sectores el primariu tien un 22,8% de esti, el Industrial tien el 21,5% y el Terciariu´l 55,7%.Tien una Rinxa llaboral d´unos 1,09 millones mas 345.000 emigrantis.Lo desempleu ta al rodiu´l 14,3% uficialmente, ma falaxe extraoficialmente de que ronda´l 30%.La tasa inflacción algama´l 2,4% y la ocupación estremase de la forma:
Sector Primariu:58% Sector Secundariu:19% Sector Servicios:23%
Les sos exportaciois nel añu 2005 foron de 650$ y les sos importaciones de 2473$, tien una balanza comercial muy desequillibrada.
[editar] Demografía
Les principales relixones n'Albania son:
- Musulmanes 70%
- Ortodoxos griegos 20%
- Católicos 10%
[editar] Enllaces esternos
National Tourism Organization Páxina oficial d'información de viaxes y turismu d'Albania]-
Sitiu oficial del Presidente de la República - Sitiu oficial del Gobiernu albanés
Informaciones práctiques pa viaxeros
Noticies d'Albania
Presentación d'Albania del Institutu italianu pal comerciu esterior
| Países d'Europa | ||
| Albania | Alemaña | Andorra | Austria | Azerbaiyán | Bielorrusia | Bélxica | Bosnia-Herzegovina | Bulgaria | República Checa | Chipre | Croacia | Dinamarca | Eslovaquia | Eslovenia | España | Estonia | Finlandia | Francia | Grecia | Holanda | Hungría | Irlanda | Islandia | Italia | Letonia | Liechtenstein | Lituania | Luxemburgu | República de Macedonia | Malta | Moldavia | Mónaco | Montenegru | Noruega | Polonia | Portugal | Reinu Uníu | Rumanía | Rusia | San Marino | Serbia | Suecia | Suiza | Turquía | Ucrania | Vaticano | Xorxa | ||
| Posesiones: Islles Feroe | Xibraltar | Guernsey | Jan Mayen | Jersey | Irlanda del Norte | Islla de Man | Svalbard | ||
 |
Organización de la Conferencia Islámica |  |
|---|---|---|
| Afganistan | Albania | Arabia Saudina | Arxelia | Azerbaiyán | Bahrain | Bangladesh | Benín |
Brunei | Burkina Faso | Camerún | Comores | Chad | Costa de Marfil | Emiratos Árabes Xuníos Exiptu | Gabón | Gambia | Guinea | Guinea-Bissau | Guyana | Indonesia | Irán | Irak | Kazajstán | Kuwait | Kirgistán | Líbanu | Libia | Malaysia | Maledivas | Mali | Mauritania | Marruecos | Mozambique | Níxer | Nixeria | Omán | Paquistán | Palestina | Qatar | Senegal | Sierra Lleona | Somalia | Sudán | Suriname | Sirien | Tayiquistán | Togu | Túnez | Turquía | Turkmenistán | Uganda | Uzbequistán | Yemen | Yibuti | Xordania | |
||
