Zeus

Us der alemannische Wikipedia, der freie Dialäkt-Enzyklopedy

Zeus (griechisch Ζευς oda Δίας), Sohn vom Kronos und vo da Rhea (Göttin des Fließens), isch da högschte olympische Gott in der griachischa Mythologie und mächtiger wia n alle andara Götta zäm. Bloss gegs s sine Töchta, die Moiren, s personifizierte Schiksal, isch o er machtlos.

Bi da Röma hot ma dm högschta Gott Jupita gset.

[ändere] D Machtergriifung vum Zeus

Kronos hot alle sine Kind glei noch da Geburt gfreassa, will a Angscht ghet hot, dass se eam d Macht wegnea künnten so wia er‘s seal mit sinem Vata to hot. Drum hot d Rhea Zeus heimli in ra Höhle in Kreta uf d Wealt brocht, und m Kronos an Schtoa zum Freassa gea. Der isch eam aba so schwer im Maga gleaga, dass er a Breachmittl nea hot müssa, und zäm mit deam Schtoa ho a alle andra Kinda wieda usgschpuckt.

Und wia Kronos befürchtet hot, hond sine Kind ean agriffa und ean und sine Gschwischta, dia Titana, mit Hilfe vo da Zyklopa, wo m Zeus Blitz und Donna als Waffa gea hond, besiegt und inn Tartaros gschtürzt. Danoch hot Zeus no gegs dia Giganta und n Typhon kämpfa müassa, aba am Schluß hond Zeus und sine Gschwüschta gwunna und d’Herrschaft untaranand usglosat: Zeus hot n Himml kriagt, Poseidon s Meer und Hades d Untawealt.

[ändere] Kind vum Zeus

Vahürota gsi isch Zeus mit sinara Schwöschta Hera, mit derra a o Kinda ghet hot, zum Biischpiel Hephaistos, Gott vo da Schmiedekunscht. Daneabs aba hot a no an Huufa Sitaschprüg pfleagt: Dia Göttin Leto, Tochta vom Titana Koios, hot vo eam Apoll, Gott für Licht und Musik, und Artemis, Göttin vo da Natur und da Jagd, kriagt, Leda isch d’Muatta vo da Dioskuren Kastor und Polydeukes wora, und so wita – s hot an Huufa Nymphen, Halbgöttina und Schterbliche gea – aba bi koanara isch a lang blieba, wiil sine Fro Hera brutaal giifarat hot. Bloss mit m Ganymed, nam Königssohn isch a länga zäm gsi. Der si nämle so schöa gsi, dass Zeus ean mit uf n Olymp gno und als Mundschenk bi sich b’hebt hot.

Manchmol isch Zeus o als Schtier, Schwan, goldana Reaga, oda so Vata wora, und zwo vo siina Töchta hot a ganz ohne Fro kriagt: Aphrodite, Göttin vu Schönheit und Liebe, isch usm Meerschuum ko, und sis Lieblingskind, Athene, isch sogäär us siinem Schädl gschtiega.

Frau	Kind(er)
Demeter	Persephone
Dione	Aphrodite
Eurynome	Die Chariten
Hera	Ares, Ilithyie, Hebe, Hephaistos
Leto	Apoll, Artemis
Mnemosyne	Die Musen Melete, Mneme, Aoede, Klio, Melpomene, Terpsichore, Thalia, Euterpe, Erato, Urania, Polyhymnia, Kalliope
Themis	Die Horen Eunomia, Dike und Eirene und die Moiren Klotho, Lachesis und Atropos
Alkmene	Herakles
Antiope	Amphion, Zethos
Kallisto	Arcas
Danae	Perseus
Elektra	Dardanus
Europa	Minos, Rhadamanthys, Sarpedon
Io	Epaphos
Laodamie	Sarpedon
Leda	Castor und Polydeukes, Klytemnestra, Helena
Maia	Hermes
Niobe	Argos, Pelasgos
Pluto	Tantalos
Semele	Dionysos
Taygete	Lakedaimon